تحديث - مشروع إحصاء الإلف العالمي و عمل جولة عالمية - مهم جداً





انيونغ هاسيو - السلام عليكم ..

بخصوص هذا المشروع حبينا نتواصل مع الفريق نفسه عشان نفهم الهدف من المشروع و المطلوب مننا لانجاحه .. 

اول شي ترجمنا لكم موضوعهم وبنشرح لكم بالنهايه المطلوب من كل شخص ( دولة ).. 

اعزائي الإلف العالمي

مشروع Sapphire Sky (سماء الأزرق الياقوتي) يعمل على نشر تصويت من شأنه ان يجمع و يحدد العدد الفعلي لفانز السوبر جونيور حول العالم. هذه المعلومات لن يتم مشاركتها مع شركة SM Entertainment فقط, و لكن سيتم مشاركتها أيضا مع بعض الشركات الأخرى التي هي على استعداد أن تمول جولة عالمية. من الضروري لكل إلف ان يشارك بهذا التصويت لتمثل بلدك و نفسك.

في هذا المشروع جنبا بجنب مع شركة SM Entertainment سيتم استخدام المعلومات التي تم تجميعها بالإضافة مع معلومات اخرى سيتم اخذها من خلال حضور افتتاح كونسيرت ليتم تحديد مصير الجولة العالمية. الدول التوب الـ13 التي ستحصل على أعلى نسب, سيتم اختيارها لتكون المكان الأول لعمل جولة Sapphire Sky  العالمية.

الرجاء نشر رابط التصويت للإلف العالمي. فكلما زادت المعلومات التي سنجمعها من التصويت. كلما كانت فرصتنا لتقديم معلومات دقيقة لشركة SM Entertainment و الشركات الممولة الأخرى اكبر.

التصويت متوفر بعدة لغات, عربية, ألمانية, فرنسية, إنجليزية, اندونيسية, برتغالية, أسبانية, يابانية, إيطالية, تايوانية, صينية, تركية, و سويدية.

يمكنكم ان تشاركوا مرة واحدة في التصويت و ذلك لجعل المعلومات دقيقة. إذا لم تجدوا اسم بلدكم بالقائمة, يرجى اختيار (أخرى) و من ثم كتابة اسم بلدك في خانة التعليقات بالأسفل. 
* تستطيع التصويت لدوله غير دولتك ..

شكرا لمشاركتكم ^^

 طبعاً المطلوب مننا وهدف المشروع كالتالي : 

 كل دولة لازم يكون عدد التصويت فيها 10,000 صوت عشان يقدروا يسووا فيها حفلة للسوجو, نفس مثلا حفلة باريس.
 و نظرا لعدة مشكلات تواجه بعض الدول, مثلا كالسعودية و عدم إقامة الحفلات فيها او الاوضاع في بعد الدول , احنا نشوف ان اكثر دولة مناسبة إقامة و استضافة الحفل فيها هي دبي, و هي تعتبر اكثر مكان ممكن الناس تروحه وكمان فيه فانز عربي واجنبي , المطلوب الان من الكل انه يصوت لدبي كأفضل مكان يتم اختياره لجولة .. واللي صوت قبل للسعودية او دولته يرجع يصوت لدبي, بس كل واحد فيكم مرة واحدة فقط عشان تكون المعلومات دقيقة.

امكن البعض بيزعل ويقول هذا تعداد وعشان كذا طلعنا حل صوتو لدبي واستخدمو جهاز اخر وصوتو لسعودية او الكويت .... الخ .. البلد اللي انتم فيها عشان مانلغي عدد فانز اي دوله يعني طبعا لو طلعت دبي هي الاكثر بيكون مثلاً بعدها السعودية , الكويت .. الخ  صحيح بيكون التعداد مو حقيقي لكن الاهم يكون في حفلة .. طبعاً اللي مو حابب الفكرة هو حر يصوت لدولته ويتعبر كاننا ماقلنا شي ,, كلامنا هذا هو بس لنجاح الهدف من المشروع وهو يكون في حفلة فقط .. 

اتمنى ان فكرة المشروع تكون مفهومة و واضحة للكل, و اتمنى انكم تشاركون معانا و تأيدون رأينا ^^
فــــــــــايــــــــتـــــــــــنـــــــــــغ ^^ !!


رابط التصويت 

* بسبب زعل حبايبنا اهل الكويت لاننا كتبنا انه يمنع اقامة حفلات فيها نعتذر وحذفنا المعلومة  لكن توضيح للموضوع المعلومة ماجات من عندنا جات بعد ماسالنا اكثر من بنت كويتيه وردهم انه ممنوع اقامه حفلات ضخمة لفنان اجنبي في الكويت كحفلات هلا فبراير وطبعاً حفلات سوجو دائماً ضخمة واحنا لا عايشين بالكويت ولا نعرف بقوانينهم عشان نكتب معلومه مو اكيده او نكتب من راسنا لذلك سالنا وبجد ماعندنا اي تحيز لاي دولة لكن احنا نفكر بالافضل من ناحيه موضوعيه واقعيه عشان كذا اخترنا دبي .. وبجد مانبغى اي دوله تزعل مننا لاننا إلف قلب ويد وحده وسوجو لو بجو بدبي  او للكويت او لمصر او باي دوله عربية بيحضر فانز لها طالما في مجال نحضر للحفلة مايهم بأي دولة .. نعتذر مرة اخرى 


* قفلنا خاصية الرد لان صار الموضوع فيه غلط على بعض واحنا مانبغى نزعل احد كل شخص يسووي اللي يعجبو زي ماذكرنا من قبل اقتنعتو بفكرتنا ماقتنعتو انتو حرين ومجرد قلنا راي هو قابل للقبول او الرفض وشكراً 


الموضوع الاصلي : هنا
ترجمة للعربية : @hurt_silent



التحديث 2 : هنا



تعليقات

  1. تو ادري ان الكويت مايصير ممكن اعرف بضبط شسالفه يعني مستحيل يصير حفله بالكويت>>صح فكره دبي حلوه العوض ولا القطيعه اهم شي سوجو بالخليج اتمنى الكل يتفهم وخاصه الالف السعودي لانه كبير انشالله بنصوت لدبي

    ردحذف
    الردود
    1. اللي عرفته من مصادر موثوقه بالكويت ان ممنوع حفلات تصير بالكويت للفنانين الاجانب ومنهم شرق اسيا ..

      حذف
    2. نقدر نسوي حفله للسوجو بالكويت بس تكون خآآآصة دعوه شخصيه مو عامه مثل
      حفلات هلا فبراير

      فآآيتينق كويت الإلف ^^
      وكل الاإلف ^^

      حذف
    3. فاهمه عليكي نفس الشي يصير بالسعودية اخ لو اني اعرف ناس كاش وواصلين كان جبتهم من زمان XDDD

      حذف
    4. هههههههه اي والله وينهم عنا T_T

      حذف
    5. بليبيز سوجو ونقز صححو المعلومه كويت تستقبل حفلات الاجانب
      وشلون اصوت بضبط انا ضغطت ع المربع وطلعت صح

      حذف
    6. ولا يهمك بصحح المعلومه بس عشان اثبت ان ماعندي تحيز والمعلومه جات من بنات كويتيات مو من عندي .. بخصوص التصويت اختاري الدوله واضغطي على vote

      حذف
  2. الله يصبرنا انا بحاول انشر موضوع دبي واقنع الكل

    ردحذف
  3. بنات حلوه حركة تصويت من جهازين
    جهاز لدبي وجهاز لدولتك نفسها
    مستحيل م بنقدر نسوي هذي الحركه اقلها من الاب والجوال وخلاص

    بس سوال .. متى بدأ هذا المشروع ؟
    ما شاء الله اشوف التصويت كثير والسعوديه يمكن 900 وعليها من الاصوات

    ردحذف
    الردود
    1. من يومين ووصلنا الرابط امس

      حذف
    2. سوجو وينقز حبيبتي انا معاك في فكره
      ان دبي يسسو فيها الحفل

      لاكن ....
      عدد الفانز اهل دبي يكفي لاقامه حفل
      يعني اكثر الالفيات اهم سعوديه وغيره

      وثاني شي ركزي احنا كلنا ندعم في التصويت دوله دبي
      لاكن العدد راح يكون كبير في التصويت لان الكل صوت لدبي
      لاكن هل العدد الي صوت بيحضر للحفل ؟؟
      هاذا شي يخليك تندمي تصوتي

      يعني انا وحده ما اقدر اسافر لدبي علشان احضر
      حفل فكري في بعض العوائل الي ماتعطي فرصه لبناتها السفر علشان بس حفل
      ولا والله الفكره جد رائعه T.T

      حذف
    3. التصويت له تقريبا ثلاث ايام او اكثر نازل انا مصوته من زمان

      حذف
    4. روحي للموضوع الاصلي وشوفي ايش مكتوب تحته يومين ^^

      حذف
    5. قلبو الحفله لو صارت بيكون في عدد كبير من الحضور اولاً في بنات كثير سعوديات وغير السعوديات بيروح لدبي عشان يحضرو وانا وحده منهم ثانياً في اجانب كثير بدبي وهم فانز كي بوب ويحبو سوجو وراح يحضرو غير ان في فانز كوري وعالمي يسافرو باغلب الدول اللي تصير فيها حفلات لسوجو وبخصوص العدد شو باريس ماكان كبير زي اي سوبر شو عادي وهم اكيد بيسوو على حسب توقعهم ومبيعات التذاكر بيكون بصاله زي سوبر شو باريس مو ملعب اتمنى فهمتي الغرض من التصويت مو ان الكل يحضر الشو بس ان الحفله تقام واكيد كل اللي بيصوتو لدول ثانيه اجنبيه زي بيرو وغيرو مو كلهم حتى بيحضرو مو شرط منع الاهل هو اللي يكون المانع في موانع كثيره .. اتمنى وضحت الفكرة وشكراً

      حذف
    6. كويت افضل واقرب>>>بليز

      حذف
  4. فااااييتنغ الف دبي انسب مكان ^_^

    ردحذف
  5. فااااييتنغ الف دبي انسب مكان ^_^

    ردحذف
  6. انا صوت من قبل للسعوديه وفكرة دبي حلوة بس ان شاالله اذا صار في دبي حفله مانتفشل ويطلع العدد قليل .. بروح اصوت لدبي ...ومااوا سوجو وينغز ويااااابختكم يااهل دبي T_T

    ردحذف
  7. حلو اننا السعوديةة ماتسوي زي كذا حفلات بس
    نااس ماتقدر تسافر خارج المملكة <<مثلي
    لاسباب كثيره ...

    ردحذف
  8. انا عني بأصوت لسعوديه والامارات بما انو فيها شغلتين وهي تعداد ومكان الحفل

    ردحذف
  9. صح أني ألفيه بس أنا عني حتى لو صوت ما اريد أخذ ذنب الكل الصراحه مع أني من الامارات بس ان شاء الله تحقق امانيكم و تشرفون الامارات انتم و السوجو ^^

    Good Lack everybody ^^

    ردحذف
  10. عفواً ؟ على كيفج ؟ :) .. قبل ما تكتبين أشياء من عقلج إن الكويت مَ يصير نسوي حفلات!!! ترآ إحنا مَ عندنا هيئة و مدري شنو :) !.. شفتي جيسكا الأجنبية وهي بالكويت؟ :)و شفتي الفرقة الأجنبية آلي جات ؟ :) .. ثاني مرة لا تكتبين أشياء أنتِ مَ تعرفينها !! :) غ ب ا ء :)
    و أعتقد إنج كاتبة الموضوع .. لأنج أنتِ بتروحين لدبي إذا جو السوجو .. عشان كذا قالت صوتوا لدبي! يعني مصلحه!!! و إذا تدرين إن دولتج ماراح يجونها .. لا تعممين على كل الدول!! :)) ترآ مو حلو إنج تحطين أشياء مو متأكدة منها بمدونة مشهورة!! :)

    ردحذف
    الردود
    1. قلبو اولاً في اسلوب ارقى من هالاسلوب تتكلمي فيه معايا وانا ماتكلم من راسي واذا انا غبيه شكراً على ان غبائي خلاني اسوي اشياء كثيره لسوجو ^^ بخصوص ردي عليكي عن الكويت سالت ناس كثيره وثقه واولهم صاحبة المدونه اللي ماسكه مشاريع الالف الكويتي وسالتها وهي قالت لي بنفسها ان الكويت ماتستقبل حفلات عامه للاجانب وان جوكم اجانب ماسوو حفلات بضخامه سوبر شو وكمثال قالتو البنت اللي فوق قالت لي صاحبه المدونه نفس كلامها ماينفع يسوو حفلات زي هلا فبراير وللمعلوميه ماقد سبق حطيت معلومه وخبر مو متاكده وسالت عنه قبل اكثر من شخص واذا انتي حابه تقتنعي بكلامي اوكي مو ماحبه انتي حرة لكن بجد بجد كنت اتمنى تكلميني باسلوب احسن من كذا لاني بجد احب الكويت واهل الكويت وماعندي تحيز لاي دوله وحتى ان السوجو في احتماليه كبيره يجو للكويت كان قلت صوتو للكويت بالله ايش المانع ترى اللي يخليني اروح لدبي يخليني اروح للكويت لو فكرتي فيها كان شفتي انها ماتفرق كلها دول خليجيه وقريبه مننا .. للمره ثانيه اقولك شكراً

      حذف
    2. أول شيء يا ليت تحترمين المكان اللي انتي فيه واسلوبك يدل ع تربيتك
      ثاني شيء احنا اكثر دولة تفتخر بالهيئة ورجاء لا تتكلمين عن شيء ما تعرفينة
      وبالنسبة انك فرحانة بالاجانب عندكم هذا شيء ما يرضي الله ورسولة كيف استضيف اجنبي يغني عندي في بلدي واهز ع أغانية وانا مسلمة
      ثالث شيء احنا نقدر نصوت للسعودية وأنا متأكده الالف السعودي يقدر يكتسح التصويتات ويجيبها بس أنتي فكري شوي بلاد الحرمين نجيب قيها مسيح وملحدين ما اتوقع تصير وشينة فحقنا كسعوديين وكمسلمين عشان كذا السعودية ما تسوي هالحفلات هينا اعلمك فايدة الهيئة كيف تحفظ بلادنا ودينا أحسن من بعض الناس عشان كذا دبي المكان الاحسن لانة مليان اجانب وكذا وبلد يعني ما اقلل من احترامة بهالكلام بس يعني فيه امكانية للحفلات ويشرف ويبيض وجيهنا قدام الاجانب مو من ناحية الاغاني وكذا من ناحية النطور والعمران ويشوفون الشرق اسييوين التطور الموجود لانه زي ما تعرفين يحسبون اننا عايشين في صحرا وخيمة وابل ونياق

      في النهايه انا من معجبين السوجو وأحب اسمع لاغانيهم بس كلامك استفزني في كلمة انتم ما عندكم هيئة بالعكس هذا شرف لنا مو عيب زي ما تحسبينة

      حذف
  11. حبيبتي الْكُـ(*KW*)ــوَيْتِـ مو مثل السعوديه ممنوع الحفلات
    كذا مغني اجنبي سوا حفلته فـ♡ـي الْكُـ(*KW*)ــوَيْتِـ
    اسمحيلي بِــ̯͡سّ صووتوا للكويت احسسسن
    لان الْكُـ(*KW*)ــوَيْتِـ تقبل تسوي حفلات عالميه

    ردحذف
    الردود
    1. على راسي الكويت واهل الكويت لكن كلامي ماجبتو من فراغ انا مو عايشه بالكويت ولا اعرف قوانينها سالت بنات كويتيات اقري ردي على التعليق اللي فوق وبتعرفي ايش قصدي ..

      حذف
  12. انا عني صوت للسعوديه مو لانه ابي يصير حفله بس للحفاظ على المصداقيه !

    +

    ممكن تحذفون كلامكم عن التصويت لدبي حتى لو مو منها لان اذا حصلت حفله راح تكون خساره لهم !

    خل نقول 10 الاف مقعد و الحضور الف ~ مو تعتبر خساره للسوجو ؟ مو تعتبر كذب من الالف العربي ؟ عشان كذا اتمنى ينحذف ^^

    ردحذف
    الردود
    1. الموضوع مو عن المصداقيه هم نفسهم كاتبين ودققي بالكلام فوق ان تقدر تصوت حتى لدوله مو دولتك يعني المجال مفتوح

      حذف
  13. ترا التصويت مو حق حفلات هذا حق تعداد الالف بس المشروع معروف من زمان بس دوبهم فتحوا التصويت , واساسا بالله سومان بيجيب السوجو لنا عشان تصويت !!!
    رجاء كل واحد يصوت لبلده انا ماراح اصوت الا بس للسعوديه , وحابه انوه ترا الحفلات مو ممنوعه بالكويت !!

    ردحذف
    الردود
    1. ذكرت فوق بالتدوينه ناقشنا اصحاب المشروع وهم قالو هالكلام مو التصويت بس للتعداد للحفلات واظن الترجمه موضحه هالشي ان في جوله ..

      حذف
  14. كمان ابغي اقول ماراح اقلل من دبي بس بالله كمان حيكون الحضور لو سار حفل من جد !!!
    وللمره الثانيه اقول هذا تصويت حق تعداد فقط

    عالعموم مشكورين

    ردحذف
    الردود
    1. قالو لو جلسنا نقول هالكلام عمرهم ماجو عندي ترى مو هم اول اجانب يسوو حفله بدبي وثانياً ماحد بيوصل لعدد الحضور اللي في اليابان والصين يعني ابداً لا تتخيلي انو بيكون في هالعدد

      حذف
  15. أزال أحد مشرفي المدونة هذا التعليق.

    ردحذف
  16. على شنوو تتضاربون هذا تعداد بس للعرب الالفي

    بعدين الامارات حسب ما سمعت انه زايا و فرق كوريه ثانيه بتحيي الحفل في دبي بدون تصويتات و عفسه يعني لا تعصبون وتتحيزون لبلد واحد بس !!! خلكم يد وحده !! و صوتوا لدبي و الكويت

    ردحذف
    الردود
    1. لا مضاربه ولا شي اختلاف بالراي لكن المشكلة هو الاسلوب ^^ .. بخصوص هالكلام اساسا المشروع اساساً لتحفيز اس ام تحيي حفلات بالدول اللي مااحييت فيها من قبل واللي فيها فانز كثير لسوجو ..

      حذف
  17. جاري التصويت الامارات شكرا ع الخبر

    ردحذف
  18. بنات ترا الموضوع ما يستاهل ثاني شي ابي اوضح نقطة ترا الالف الاماراتي يعتبر ثاني اكبر الالف بعد السعودية ( انا اتكلم بمستوي الخليج ) وغير طبعا الاجانب والكورياات والهنديات والصينيات وطبعا خواتي من دول العربية مثل السعودية المغرب تونس مصر كويت قطر وغيره من الدول طيب وشوفي حدث زيا كيف كان الحضور كان شي خرافي الصراحة وكيف ردة فعل الاعضا واعجبهم في تطور الامارات والفانز (علي ارغم ان مب مشهورين وايد وكان بهضجة فما بالج ب اكثر فرقة محبوبة ب الشرق الاوسط ) ثاني شي لو قلنا الكويت مثل سوري بس بتتوقعين كل ييحضر الحفلة اوك احنا الالف عربي نتمنا ان السوجو ياخذون فكرة حلوة عنا صح طيب شو الشي اللي بيكويت بيثير اعجاب السوجو ( ابدا ما قصدي شي بس لا تنسون ان كوريا في اشيا خرافية اكيد بيسون مقارنة وبيحسون يالفرق ) وعليكم السلام

    ردحذف
  19. شكرا سوجو ونقز ع اسلوبج>>
    بس جد ماله داعي نحدد الدوله مثل دبي وياليت تقنعين الكل انه مو بس تعداد واذا دبي افضل من كويت كلام جميل بس مو معناته نمنعهم يجون الكويت عشان الشكل وانا واثقه ان اغلب الف سعودي قادر يجي للكويت ومو صادر ع دبي ولا نكبر سالفه الفانز عادي هذي اول زياره لهم

    ردحذف
    الردود
    1. حياتي والله لا شكر على واجب ^^ صح كلامك اللي قادر يجي لدبي عشان حفلة سوجو يقدر يروح للكويت وغيرها لكن ايش نسوي دائماً هذا حال العرب يتركو لب الموضوع وهو المهم وينحشو باطرافه التافهه ><

      حذف
  20. كلامك صح اكيد راح تصير في مقارنات ثاني شي كلنا الالف فا مافي داعي تتكلمون مع بعض بالاسلوب هذا *بعض البنات اللي شفت تعليقاتهم فوق .. حنا كلنا واحد الالف الصخره واذا الموضوع راح يسبب مشاكل ومشادات فاكل شخص يصوت للبلد اللي يبغاه .. او يتعاون مع الاخت في التصويت لدبي وشكرا ^^

    ردحذف
  21. اية انا ابدا مو قصدي شي والنعم فيها المكويت واهلها فديت ال صباح ما عليهم كلام بس قبل كل شي برايج مت بيحضرا اكثر في دبي ولا الامارات ؟؟ وانا كا الالف ودي ان السوجو يشوفون اشيا ما شفوها يكوريا اشيا نفتخر فيها كا الالف العربي شي يكون في مذكرتهم و اقرب مثال انهم يرحون اكبر برج بالعالم او اكبر مول باعالم احس ها الاشا تكون في ذكرتهم ويحبون ها الاشيا

    ردحذف
    الردود
    1. انا اللي كاتبه التعليق اللي فوق تعليقك ،،، صح المنطق مهم والتعداد مهم بعد بس لازم نفكر بالموضوع الاساسي انو كان قصد الاخت صاحبه المدونه واضح وصريح وهي ماتعرضت للكويت او قالت كلام خطآ ودايم حنا نثق بكلام المونه و ولامره طلع كلامهم مو صح .. بس القصد بالموضوع احيآ حفله في دبي وطبعا محد يقدر ينكر انو دبي افضل دوله خليجيه من ناحيه التنظيم والمعالم المتطوره فا رجاء فكرو قبل ماتكتبون .. وشكرا سوجو وينغز على الاسلوب الرائع والمتفاهم والى الافضل ^^

      حذف
  22. انا ما قصدي اسوي مقارنة بشعة بين خوات انا الي ابي اوصله مثل ما قلتي ان اول زيارة لهم لازم نقدم لهم احسن ما عندنا نعطيهم ذكري عنا وثاني نبي نحقق رغبة هيوكي وليتوك انهم يزورن الامارات مثل مانج عارفة السوجو راحوا ياريس اليابان كوريا الصين طبعا شافوا اشيا جميلة بس اذا ودينهم اي دولة عربية شو بنقدم لهم ما عندنا مناظرة طبيعية والا عماير حلوة الا الامارات ( بنات انا مو قصدي انحاز لدولتي ولا شي بس انتن فكروا بالمنطق ) ثاني شي اسفة ابدا ما كان قصدي شي لما تكلمت عن الكويت وربي علي راسي اهل كويت واخوان ال صباح ما يفرقون بينا شويت كورين

    ردحذف
    الردود
    1. كلامك صح ونفس ماقلتي وقلت وانتي ماقلتي شي يسئ للكويت وبعدين حنا اكبر من السوالف هاذي وياليت كل وحده تفكر بالمنطق ومصلحه الكل نفس ماقلت قبل يعني اهم شي نعطي صوره حلوه وراقيه عن العرب مو نترك الموضوع الاصلي ونروح على اشياء غير مهمه.. وانتي يااختي لاتتضايقن والله كلامك ماكان فيه شي وكان باسلوب راقي يليق بالمدونه وان شاء الله التعليقات اللي بعدتعليقي تكون تفيد الموضوع ^^

      حذف
  23. بنوتات

    ردحذف
  24. بنات كل وحده تصوت لبلدتها

    ردحذف
  25. انا اشوف كثير صوتوا للسعودية بنسبة 8% ليه ي بنات تخربون علينا انا سعودية و صوت لدبي فكروا بالعقل السعودية مستحيل يصير فيها حفلات موسيقى تردح :) !!!! وعندنا الهيئة بلاش مشاكل تكفون :"""" خلونا في دبي ع الاقل يكون اسمنا العرب :") واكيد فيه سعوديين هناك :/ مرارح اتكلم عن دبي الادارة ماقصرت بالشرح.
    الاصوات لدبي 1% بالمية بس !! ليييه

    ردحذف
  26. الحمدلله والشكر دايما الموضوع عند العرب بخرررب ... ونسيت اقول لاتقرنون هلا فبرابر بحفلات السوووجووو

    ردحذف
  27. بعدين لو جت الاس ام و كلموا المسؤولين بالسعودية و رفضوا الاس ام بتقول خير هذا و هم مزعجينا السعوية السعودية :/ فكروا تكفون وبلاش احراجات.. انا سعودية بعد واتمنى يكون بدولتي بس نظامها مايسمح واساسا اغلب اهالينها ماراح يوافقون يودونك لمكان زي كذا هذا لو صار الحفل عندنا !!

    ردحذف
  28. يالله بس اصوت لمين لدبي هذا الي ناقص سعوديه ولا احلمووووووووووووو

    ردحذف
  29. الف حبايبي فكرو كويس, اولا انا بعيش بالسعوية وبعرف كل حاجة عنها اكتر من بلدي ومستحيل يخلو فنان اجنبي يسوي فيها حفلات~ وبتعرفو الهيئة و و و و واشياء كتيرة يعني حضور السوجو وانهم يسوو حفلة بالسعودية مستحيل, وبعدين لو لو لو لو بالاحلام مثلا اجو مين اهلها حيخلوها تروح حفل اولاد @-@ فهذا مستحيل,,, انا زيكم والله بتمنى اشوفهم وبحلم فيهم كل يوم , بس احنا هدفنا انو نوصل للسوجو صوتنا , نقولهم انو احنا الالف العربي موجود وبنستحق السوبر شو, بدنا نوري اس ام الي تجاهلتنا سنين انو احنا كتار وبنستحق حفل للسوجو~~ انا بشوف دبي انسب بلد عربي ~ اكتر من فنان كوري راح هناك وسوى حفلة ناجحة~ فكيف لو كانو السوجو؟ الي هما اشهر فرقة في الوطن العربي كلو؟؟ ... انا عن نفسي بصوت لدبي :)~ اتمنى كل الالف العربي يصوت لدبي

    ردحذف
  30. اعلى نسبة بالنسبة للدول العربية....السعودية ثم تونس

    ردحذف
  31. ي الآلف هذآ احصآء الآلف في العـآلم مـو آقامة حفففلاآت انـآ من السعوديه ورآح آصوت لسعوديـه
    وبعـدينن دبي معروفـآ آسمحولي يعني بس لآ تنسون ان دونغهي قال دبي في آغنية اوبس
    وآنتم ي السعديآت حنآ وش دخلنآ في دبي انتم صوتو لبلدكم وآكرر مره ثانيه هذآ التصويت مو عشان اقامة حفلات بس آحصآئيهه فهههههمتتوو صوتو لبلدكم

    ردحذف
    الردود
    1. قلبو وانا اكرر للمره مليون دا تصويت للامرين تعداد واقامه جوله والشرح فوق مو من كلامي من كلام اصحاب المشروع وقلت كمان اننا تكلمنا معاهم وهم قالو لنا هالكلام بنفسهم غير عن الشرح واعتقد الشرح موضح المغزى من المشروع .. اذا انتي خابه تصوتي لسعوديه صوتي وقلت فوق كل واحد ورايه اقتنع بمنطقنا صوت لدبي مو مقتنع يصوت لبلده .. لا تنشرو وتقولو كلام مو متاكدين منو اعتقد لو في اي تعديل او تحديث بنحدث حتى لو اخطاءنا بنعدل وبنعلن عن هالشي فرجاءً لا تنشري انو هالمشروع لتعداد فقط مو متاكده من كلامي وشاكه فيه عندك رابط اصحاب المشروع بالتدوينه روحي اساليهم بنفسك ..

      حذف
    2. في البيبي منتشر بكثرره على انه تعداد

      حذف
    3. اسفه مالي باللي انتشر انا ليا باللي قالو وشرحو اصحاب المشروع نفسه وشكراً ^^

      حذف
  32. الحمدلله و شكر !!!! انتم مثل الي يجهز الدواء قبل الضربه!!!

    يا عااااالم كبروا عقولكم شوي ! السعوديه مستحيل تصير فيها حفلات!! و اذا صوتوا يعني لسعوديه و إس ام تعرف عن هذا الشي انه ممنوع فيها الحفلات شو بتكون ردت فعلكم انتم؟؟؟ والله فشله !!

    أنا متأكدة 80% السوجو اذا بيجون الخليج ف دبي اول البلدان

    ردحذف
  33. قولو لا اله الا الله

    انا سعوديه وصوت للسعوديه ودبي
    ليه ؟ لان السعوديه قانون فيها ان ماتصير حفل للاجانب
    كلنا نعرف انه ما فيه مثل دبي
    يعني دبي معروفه عالميا بتطورها وكثرة الاجانب فيها
    هو هذا اكثر شي خلاني اقتنع بالتصويت لدبي
    هو الاجانب فيها كثير
    دبي للي قد راحها بيعرف قد ايش تعتبر دوله اجنبيه بتطورها وتعدد الجنسيات يها
    معروف ان الاجانب اكثر من الاماراتيين فيها *_*
    وكلنا واحد في الاخير

    ردحذف
  34. صادزيييين انتم بتصوتون للسعوديه !!!!!!!!!!!!!!!!!!!!!!!!! لحد يصوت للسعودية تكفون صوتوا لدبي فكروا شوي حتى وان طلعنا اكثر تعداد وش بنستفيد !!!!!!!!!!!! ماراح يقيمون اي حفلة عندنا ماله دخل ساللفة هيئة ومادري ايش !!! بالنهاية السعودية دوله اسلامية !!!! وشلون اسلامية يعني لو انا امريكية ومسلمة وشفت ان السوجو بيجون للشعودية ع بالكم بسكككت؟؟؟؟ والله لاقوم الدنيا واقعده خييير من متى ونسوي حفلات ضخمه لاجاااانب :|؟؟؟
    ياربية متى يكبرون مانبي نتفشل اذا قالوا ان الدولة منعت هالشي بسبب انه مايقدرون مسوين لجه ومصوتين للسعودية وبالنهاية محد يجي ليش؟؟طيب طلعنا اكثر تعداد وقالوا بنسوي حفله هنا او الكويت ع بالكم بيجي احد ؟؟؟؟ اتحدى ان تعدوا المية اصلا!!!!!! ليش قلنا دبي لأنه عالميه وفيه احتما كبير يجون الاجانب يكثروننا ع الاقل !!!! اصلا لو بجمع كل الاي ال اف العالمي سواء بيجون او لا مايتعدون 15 الف وكثيره بعد :|!!! اجل وشلون لو حسبنا الي بيجون بس زين زين زين ان جو 9 الاف بس XD فركوا ياماما انتي وياه !! اذكر وحده كورية قالت مرة انه لو سوو حفل بدبي يمكن نجي ونكثركم فهمتوا لكن لو الكويت صعب يجون دبي هي الانسب واكرر دبي هي الانسب!!!!!
    لاكويت ولا سعودية ولا مصر افضل شي دبي لامشاكل سياسيه وفيه احتمال يجون اجانبي اقل شي يجون اكثر من 10 الاف وتونس ماتظمنين المشاكل الساسية هالحين بيوم وليلة تنقلب الدنيا كله !!!! وموب بس تونس كل الدول العربيه هالحين ماتنظمن مشاكله الساسيه لكن الاظمن دبي !!! عالمية ومنااسبة تماااااما لاقامة الحفلات تكفون بلا حركات بزران ومادري اييييش ><
    بالنهاية تاي انا سعودية وماااعندي نية اصوت للكويت ولا السعودية -_-

    ردحذف
    الردود
    1. اصلا لو بجمع كل الاي ال اف العربي سواء بيجون او لا مايتعدون 15 الف وكثيره بعد :|!!!
      وياكثر الأخطاء الأملائية بعدxD

      حذف
    2. ههههههههههههههه الله يقطع بليسك اجل الالف العالمي مايتعدى 15 الف

      وين راحوا الالف هههههههه حظور سوبر شو باليابان بس اكثر من 100 الف

      ودخول اكبر مدونه عالميه للسوجو 50 مليون ظلمتييهم هههههههههههه

      وانا عن نفسي صوتت للسعوديه ودبي صوتت للسعوديه عشان يدرون انه فيه الف سعودي

      واكثر الالف العربي بالسعوديه عشان يدرون مو لازم يسوون حفل ودبي صوتت لها عشان يحضرون
      وان شاء الله اروح له بدبي ..
      وكلكم تروحون ..

      حذف
    3. ماقالت عالمي قالت الالف العربي ^^

      حذف
    4. الا شوفيه بالسطر السادس هذا كلامها نسخته ^^

      ( اصلا لو بجمع كل الاي ال اف العالمي سواء بيجون او لا مايتعدون 15 الف)

      حذف
    5. حبيلك بس تراي عدلته فوق XD من الحماس الي بي كتبت العالمي بس تداركت ورجت عدلته خخخخخخخ

      حذف
    6. هههههههههههههه توقعته ^^

      حذف
  35. بنااااااات تكفون جاوبو علي الحين اذا صوت من الجوال مثلا أقدر أصوت اليوم الي بعد من نفس الجوال ولا لازم يكون من جهاز ثاني. تكفوووووووووووووون دو علي بسرعه

    ردحذف
    الردود
    1. مره وحده ماينفع تصوتي ثاني من نفس الجوال

      حذف
  36. بخصوص التحديث لإالف الكويت ان اقول صح مستحيل نسوي الا اذا في وآآسطه قويه بينا
    وهالواسطه تكون من اكباريه ههههههههه

    كلنا خل نصوت لـ دبي لان وايد تسوي حفلات للأجانب فيها
    وعلى السوجو على الاقل راحو دوله عررربيه وفانز عربي

    وان شاءالله اذا شافو في إقـبـــآآآآآآآآل كبير لهم في دبي و طبعا كل شخص رافع علم دولته
    يمكن يعقدون ( فان ميتينج ) في دول عربيه على الأقل و تكون الكويت من ضمنها


    و جزاكم الله الف الف خير

    ردحذف
  37. لوسمحتي صاحبه المدونه.ابي اعرف المراكز يعني مثلا الحين ابي اعرف مين المتقدم وزين المتأخر وانا قد صوت من قبل يعني مافيه طريق وسؤال ثاني متى ينتهي التصويت

    ردحذف
    الردود
    1. ادخلي للموضوع الاصلي حاطه الرابط بنهايه التدوينه بتلاقي اصحاب المشروع كل شويا يحدثو بالمراكز وبخصوص الوقت لسه ماتحدد بسالهم وبحدث بالموضوع

      حذف
  38. روسيا
    مكسيك
    السعوديه
    بيرو
    تركيآ


    هذي المراتب الى الآن ..
    ^^

    ردحذف
  39. طيب حبيبتي تقدرين تعلميني كيف اقدر اعرف المراتب

    ردحذف
  40. سوال ليش الكل يقول ان دبي دولة اجنبية *___* ترا انتم ما رحتوا دبي واللي راحت اللهم راحت دبي نفسها ترا وايد اماراتين بس يعشون في مناطق شعبية بالله تتخيلين اهلج يعيشون في مدينة مستحيل ونادر اصلا وثاني شي اللي يقول محد بيحضر غير الاجانب حابة اوضح شفتي حفلة زيا تقريبا كل القاعة اماراتيات وبعد في كم وحده سعودية وكويتية وانا حضرت الحفلة وانصدمت بالحضور ما توقعت كذا فما بالكم بالسوجو ياريت لا تنسون ان دبي دولة عربية بليز بجدد تضايقت لما قريت الردو واعتقد كل امارتية بتضايق يعني اذا دولتي متقدمة. ومتطورة تصير دولة اجنبية وما فيها مواطنين انا سرت دبي صح فيها وايد اجانب بس مب اكثر من المواطنن بس حبيت اوضضح ها الفكرة ><

    ردحذف
  41. بنات التصويت متى يوقف

    ردحذف
  42. بنات سؤال ليه المدونات الثانيه ما عندهم خبر عن هذا التصويت

    ردحذف
    الردود
    1. والله مادري قبل كم يوم جوني اصحاب المشروع طلبو مني اساعدهم بالنشر وبعدين تناقشنا معاهم وفهمنا المشروع وقلنا لهم اننا ندعمهم ونزلنا التصويت وشرح له زي ما انتي شايفه ^^

      حذف
    2. طيب ليه ما تطلبون من مدونه super junior elfيحطون المشروع عندهم لانه حرام فيه بنات مادون عن هذا التصويت

      حذف
    3. حياتو ماعندنا وقت نحك فيه شعرنا بسبب المدونه وانشغالنا بحياتنا وتعرفي رمضان والعيد ومدونه سوبر الف تعرف كل اللي ننشرو ولو حبو هم ينقولو بينقلو واعتقد الكل يعرف عن هالتصويت بسبب عدد الفولورز بالتويتر والفيسبوك ومتابعين المدونه ومايقصرو الالف بينشرو الرابط ^^

      حذف
  43. انا صوتت لسعوديه عشان التعداد
    ولا انا داريه ان ماراح يقدرون يجووون لسعوديه بس ابيهم
    يعرفون بوجود الالف السعودي .. :) وشكرااا

    ردحذف
  44. السعودية ممنوع اكيد والكل عارف اقامة حفلات لاجانب ليه تصوتون لها ؟ انا سعوديه واصلا حتى حفلات راشد الماجد والفنانيين العرب مايسوون حفلات بالسعودية الا مكان ماله دخل منه الهيئه او خاص " وبعدين كثير بنات عرب بيسافرون دبي عشان هالشي وكثيرين بيقدرون يجون مو مثل السعودية مو اي احد يقدر يدخلها طبعا

    ردحذف
  45. وه يا ليت يجون الامارات انا سعوديه و باذن في الحج راح اكون هناك لمده اسبوعين يا ليت يجون بس
    ذحين راح اصوووت لهم

    ردحذف
  46. بناات من جدكم .. كل وحده تصوت لبلدها مؤ كلكم دبي .. بعدين اهم شي السوجو يعرفون ان عندهم فان عربي كثثيير وهم دايم يتكلمون عن السعودية واخر شي يشوفون دبي اكثر مننا .. بالعقل فيه احد يستحي من دينه لو صار حفل عندنا و منعوهمم بيقولون ديننا ما يسمح بحفلات وكذا وهم بيقدروناا وبيقدرون دينناا .. يعني معليش تستحوون وتتفشلوون من دينكم :(
    عاادي جداً اذا دولتنا رفضتهم بسبب ديننا بس مساله أصوت لدبي وانا في السعودية ليه اكثر فان دبي والسعودية اكثر منهم ~_~


    واسسسففههه اذا ضايقكم كلامي 3>

    ردحذف
  47. انا سعودية وبصوت لسعوديه علشان السوجو يعرفو قد ايش حب السعودين لهم وباصوت لسعودية علشان ما اكسب ذنب كل الي بيسمع لاغانيه اذا جو لدبي

    ردحذف
  48. أنا سعوديه وراح أصوت لسعودية علشان يعرفون انه فيه فاااااااااااااااااااانز لهم بسعودية (OK). بنااااااااااااات

    ردحذف
  49. اهم شئ انهم يعرفون انه فيه فانز سعودي ومولازم انهم يسون حفله في السعوديه شوف هم على النت احسلكم على ان تنجلطون عليهم وينهبلون ويقولون اولى مره يشوفون ارجال وانصير مسخرة الناس

    ردحذف
  50. اصلن هم الكوريين متعودين على المكياج الخفيف ام العرب يكبون المكياج كب واذا وحده اكشفت راح يطير اعقولهم ورح ينجلطون علينا نيهاهاهاهاها ابكب المكياج كب علشان أشوف اوجيهم وهم منخرشين (شريره البنت اعقلي) على كيفي ابي أصير شريره مثل كيو حبي علشان يقع في حبي (يابنت سويتي روايه نيهاهاهاهاهاها)

    ردحذف
  51. إيه والله اهم شي يعرفون انه ألبانز السعودي اكثر شي

    ردحذف
  52. طيب أنا ما اقدر ان أسافر من السعوديه وش اسوي اذا انتم تقدرون وترحون ونص السعوديين ما يقدرون

    ردحذف
  53. إيه فيه بنات كثيييييييييير ما يقدرون يسافرون دبي. وبعدين أنا عندي الأهم انه السوجو يعرفون وين اكثر الف لهم ولي يقولون انه مستحيل يصلحون في السعوديه حفل على الاقل راح يعرفون انه لهم الف كثير في السعوديه وانه دائم يصوتون لهم يعني صراحه حرام يروح تعبنا لهم كل هاذي السنين

    ردحذف
  54. وبعدين اللي يقولون انه اذا صلحو حفل بدبي راح يحضرون ناس كثير وراح يحضرون أجانب يعني راح يكون نفس العدد اللي بالتصويت. صرااااااااحه راح نتفشل

    ردحذف
  55. بصصصراحه كلامك مره منطططقي وحلووو
    صحيح شي يحزن انو ما يقدرو يدخلو السعوديه بس احنى كل اللي نسسويه عشان السوجو او ودنا يجون دوله عربيه و دوبي انسسب مكاان
    صوتوا لدولتكم عشان العدد ^^
    و صوتوا لدوبي عشان يجون فيها ^^

    ردحذف
  56. انا ماهي مشكلتي انهم يسوون حفله عندنا او لا .. المشكله واللي راح ننقهر عليها ونندم عليها بعدين انهم يقولوون ان دبي اكثر فانز لنا وهم في البدايه يحسبون ان السعوديين اهم اكثر؟!! وربي رااااح ننقهر .. عشان كذاا نصوت لسعوديه واهم راح يعرفون اننا اكثر فانز لهم وراح يتفهموون وضعناااا .. ومو لااازم انهم يسوون حفله عندنا اهممممم شي نعلمهم ان فيه لهم فانز وكبييير جداا في السعوديه هااذااا اللي يهمني :) ..

    ردحذف
  57. انتي معك حق اهم شي انهم يعرفون انه لهم فانز كبيررررررررررر

    ردحذف

المشاركات الشائعة