ندعو جميع ELF & FANS SUJU WINGS لهذا النقاش .. فمرحبا بكم !!

انيونغ هاسيو - السلام عليكم .. 

من الان انبهه من يريد اخذ كلامي بطريقة هجومية انتقادية من اجل البلبلة لا يكمل القراءه ..

ومن يريد ان يتناقش معي نقاش واعي بعيد عن الجدال من اجل الجدال فاكمل القراءه لاني انتظر النقاش معك .. ولكن باسلوب لبق ومتحضر ..~

ادعو جميع  ELF & FANS SUJU WINGS لهذا النقاش ... ولا اخص احد بما اكتب سوى من سأوجهه له بعض اجزاء هذا النقاش .. 

بعيد عن الدين وعن ان نبي الله محمد عليه افضل الصلاة والسلام .. واننا تعلمنا من عقيدتنا الحب والاحترام ومقابلة الاساءه بالاحسان .. هذا الكلام لا يختلف عليه اثنان بمعتقدي انا وكثير ممن سيقرؤن كلامي لكن ايضاً لا اهمش الديانات الاخرى لان متابعين هذه المدونة ليس فقط ممن يعتنقون الدين الاسلامي فاقول لكم جميعاً مرحب بكم هنا لنقاش ايضاً ,لاننا اشخاص لا نحب العنصرية  بإي شكل من الاشكال . 

* هذه المقدمة لمن سيتطرق بتعليقه بالامور الدينية التي كل ما تحدثنا عن امر اقحمو الدين فالموضوع .. 

حتى لا اطيل بالمقدمة ودائماً مااستخدم مقدمتي باللغة الفصحى واسرد بقيه كلامي بالعامية .. لانها ستصل اسرع من غيرها وحتى اخذ راحتي في استخدام بعض الكلمات التي تنقصني باللغة الفصحى .. على ذلك اكمل حدثي .. ~

زاد عدد المتابعين ونشكركم على دعمكم لنا لكن بتكلم بصراحة احنا اول مدونة عربية تصل لهذا العدد من الفولورز .. صحيح ؟!!

هذا يدل على تميزنا وعلى اننا قدرنا نوفر لكم امور كثيره ما وفروها المدونات الثانية مع احترامي لمجهود كل المدونات " لا اقصد هنا الاساءه " .. !!

وفرنا لكن اخبار اون لاين لكل اخبار السوجو من موقع الحدث - تغطية حفلات اما روابط او تغطية كتابيه في التويتر - مشاريع اما مادية او معنوية - البومات ومتجر خاص ببضائع سوجو وغيرهم من فرق الكي بوب .. 

فريقنا من النخبه ونحاول نجمع جهود "الالف" العرب وندعم حتى الفرق الاخرى في النشر عن حساباتهم او اي شي طلبونا فبه بعمل ريتويت بالتويتر ..~ 

للمعلومية متابعين المدونة مو بس عرب في كثير اجانب يتابعوها ادخلو لاحصائية المدونة وشوف الدول اللي زارت المدونه وكم عددهم  ومتى اخر زياره لهم .. وكمان في اجانب اعرفهم وماعرفهم كلموني وقالو لي اننا صرنا ننافس الفرق والمدونات الاجنبية بالسرعة والمقالات اللي تكون بالعربيه يشوفو المصدر اسفل التدوينه ويبحثو عنه ويقرو الخبر ... ثقة فريقنا ليست من فراغ .. 

انتو عبرتو عن امتنانكم لنا بالشكر والدعم واختلفت الطريقة من شخص واخرى واحنا شاكرين لكم .. ولكن !! 

ساكشف لكم الوجه الاخر من اللي حسينا فيه من فتحنا هالمدونة .. فركزو بكلامي ولي الحق بالكلام بهالطريقة لانكم وصلتونا لهالمرحلة .. ماراح ارد على شخص فهم كلامي بالمعنى الخطأ !!

هناك فئة فاهمة الموضوع غلط او مادري كيف تفكيرها .. احنا بشر ومو الالات احنا لنا خبراتنا مو ناس جايه تتفلسف وتسوي اشياء من راسها ..!! 

احنا بالعربي مانشتغل عندكم ..!!

لما يجو هالفئة باسلوب دون المستوى يتكلمو مع اشخاص عندهم خبره اكثر منهم واللي يثبت هالكلام نجاح هالفريق والمدونة , مهما كان فيها سلبيات خلف الكواليس ماحسيتو فيها بيوم ! ولا حسسناكم فيها !!

* للمعلومية السلبيات مو مننا امكن اكون اخطاءت في عدم تحفيز فريقي ولكن احاول هالفتره اصلح هالخطأ .. مع ان الخطأ مو كله عليا وبيوضح المقصود بكلامي الجاي .. 

نرجع لمحور كلامنا .. يجوني اشخاص يقولو لي المفروض انتي ماتسوي كذا تسوي كذا !! 

انتو تعرفو اني انا ماخطو خطوه الا مستشيره فيها ادارية الفريق الي معايا شوقه وكمان اشخاص عرب و اجانب اذا كان الامر كبير ويحتاج استشارتهم طبعا ماقول انا خبره بكل شي لكن نتعلم ونتبادل خبرات .. ان جانا الانتقاد على امر خاطئ و يحتاج تعديل صار سهو مننا نعدل الخطأ بسرعه .. واللي متابعينا من اول يثبتو هالكلام .. 

فئة اخرى , اقراء تعليقات على تدوينات جداً استغرب منها لا تقولو لي مبزره إلف وهالكلام في عالم حتى إلف مخضرم له سنوات يعرف السوجو واعمارهم كبيره ويكتبو مثل هالتعليقات .. مع اننا كاتبين بقوانين المدونه سب اي عضو من السوجو او اي عضو من فرقة اخرى او من متابعين بينحذف الرد .. فئة كبيره من زوار ومتابعين هالمدونه اتحدى لو زارو قسم القوانين !!

طيب حلينا موضوع التعليقات ونحذف طيب انتو ليش كتبتوها من الاساس طالما مصيرها الحذف يعني بس زياده شغل علينا ؟! للمعلومية عدد التعليقات المحذوفه في تزايد مستمر والادهى والمر ان في عالم صارت ترد عليهم مع اننا ذكرنا كمان بالقوانين اللي يرد عليهم ينحذف ردهم .. فزادت كميه الشغل الدبل لان اللي يردو على الي يسبو اكثر من الردود اللي سبت !! 

يعني والحل ؟! 

فئة اخرى , هالفئة جديدة صراحة بدات من بدانا نقاشات ودردشه باكاونت التويتر وصراحة صدموني فيهم وكل شخص يعرف ايش كتب حتى لو ماكان مرفق بالتويت اكاونت المدونة وصلني كلام من اشخاص ... هذا مو موضوعنا .. 

موضوعي الانقلاب اللي صار يوم الخميس اللي فات لما كانت عضوه تدردش مع الفانز اولا صار انقلابين 

1- انقلاب المصوتين لجائزه ايما اللي كشف لنا اخلاقيات بعض الالف اللي نعرفهم .. 

2 - انقلاب اللي قالو ان سوجو وينقز كثر كلامهم هالفتره وصارو سخيفين وطاحت هبيتهم .. 

للمعلومية انا مايهمني كلام احد طالما انا وفئه كبيره مايدين لكن اللي صدمني ان اغلب هالفئة من متابعين المدونة والف يعني طعنه بالظهر !! لانكم بس تبغو مننا اللي يشبع حاجتكم وفضولكم وخقتكم باعضاء السوجو لكن ماتبغو تحسو ان هالمدونة عائلة او عالم حاب يعرفكم على نفسه او تعرفونا عن نفسكم نتناقش معاكم افكار وامور بيننا كالف .. ~

وقفه : ماشفت هالانقلاب يوم 15 اكتوبر لما انرفع هاشتاق يوم ميلاد دونقهي وكان باقي على انتهاء التصويت 7 ساعات مع انه صار علينا وكان باقي على التصويت 4 ايام .. 

لا تقولو لي توتر ما توتر الالف, اسلوب الشخص يسبق عمله ورسالته .. جد اسلوب الاغلبيه مازلت اكرر كان دون المستوى .. 

احنا مانقبل احد يتكلم معانا بهالطريقة صدقوني ماراح تلقو مننا شي لا تعاون ولا غيره .. واحنا مو مجبرين .. للمعلومية الاجانب يحترمو ليدرهم وكمان يتكلمو مع فريقهم الرسمي باحترام هنا ينعكس شكرهم وامتنانهم .. لكن لمتى نقول عشان خدمة السوجو وخدمة الالف .. راحت كرامتنا نسكت نعتذر كبرنا راسنا لكن لمتى ؟!! 

* ما اقول كل الالف كذا ولا اقول ان الالف هم بس كذا للمعلومية هذا حال فانز الكي بوب خاصه والشعب العربي عامة .. ما انزه الاجانب ولا اقول الكوريين مافي منهم هالفئه لكنهم فئه قليله .. 

ومن خبرتي بالكوريين والاجانب وبالعرب من عرفت الكي بوب والسوجو ان مشاكلهم نادره وكانت على امور كبيره لكن العرب كل يوم لهم مشكله ومضاربه .. بتقولو لي المعارضين وما المعارضين بقولكم اوكي مو مشكله لكن الالف اللي زيكم الفانز اللي من فانكلوبات ثانيه دا ايش وضعكم معهم ؟!!

* لتوضيح ما اقصد قروب التصويتات @SJmtvema لان يوم استضافة العضوة صار سوء فهم لاننا ماكنا نعرف موعدهم اليومي في تجميع الاصوات واعتذرنا لهم رسمياً في التويتر وهم اعتذرو لنا .. وانتهى سوء الفهم .. 

* شات المدونات كمان مو للمضاربات والسب لو زاد الوضع بنلغيه من المدونه .. 

بوضح شغله بهالنقطة : 

احنا بدانا بموضوع الدردشه باكاونت التويتر اولا لان صار قبل حدث مع احد عضواتنا اللي بتتزوج وكانت مسويه هدايا للفانز ومفاجاه للفريق احنا حتى مانعرف ايش كانت بتقول .. اكتشفنا ان اغلب الالف مايدري من هم الفريق من الاداره وحتى المساعدين .. واستمر و اقول فئة كبيره من زوار ومتابعين المدونة اتحدى لو دخلو قسم الفريق وعرفو على الاقل اسماء الفريق وعلى فئاته .!!

ثانياً عضوات الفريق من كثر انشغالنا بينضمو لنا اعضاء مانعرف عنهم الا المعلومات المطلوبه فحبينا كمان احنا نتعرف عليهم .غير اننا مكروفين بالشغل من ننام الين نصحى شغل من حق فريقي يحس انه يشتغل لاشخاص بجد متابعينهم ويبغو يعرفوهم... 

للمعلومية ادارية الترجمة مها اللي كانت مستضافه يوم الخميس وقت الانقلاب اعتذرت لي انها قالت كلامها بالتويتر عن اللي مو عاجبه فريقنا في قروبات ثانيه يروح لها .. صحيح هي غلطت وما ابرر لها لكن من كميه الكلام اللي كان بالمنشن استفزوني وانا اللي مافي ابرد مني .. انا اسكت على حقي عادي لكن على حق اشخاص وثقو فيا وخلوني ارئسهم واكون واجهتهم كذا انتو تعديتو خطوط حمراء بالنسبه ليا .. 

انتهينا من اللي كان فاقع قلبي هاليومين اللي راحو نجي على تصويت ايما اللي قسم الالف مابين مؤيد ومابين منتقد .. 

ليتوك قال : اعضاء السوجو 13 لكن عائلة السوجو 15 

اللي مايؤمن بهالشي كسر اول قاعدة حطها ليدرنا .. !! 

هان من السوجو ومننا وفينا .. لا هو قال للقائمين على تصويت ايما انكم تحطوني مع السوجو ولا قالهم فوزوني عليهم .. 

السوجو خسرو .. صحيح مؤلمه هالكلمة كوني إلف .. لكن هذه صحوى لنا .. 

السوجو لما خسرو الغولدن .. الالف عصب وستنكر وحلف الا ياخذها السنه الجايه .. واخذناها .. 

للمعلومية نسبه الالف الصيني تقريبا 50% من الالف بالعالم عددهم كبير بالاضافه انجازاتهم وشغلهم مافيه زيه لذلك سمو بالالف الوحش او الاونيات المخيفات .. مو من حق اي شخص يسبهم لانقساهم البعض قال انهم صوتو لسوجو كمان ..لكن مانلومهم .. بالاضافة الالف الاجنبي بالبداية زعل لخسارة السوجو لكن مانقسمو وسبو هان وقالو انه مو من السوجو او انه مايستاهل الفوز .. 

غير هالانقسام في انقسام ثاني اللي هو يقولك انتي مو الف ويحكم باللي يعكس تفكيره وقناعته انه مو الف انا شوفو اللي هي انا ماقدر احكم على اي شخص انه مو الف انا مو مخوله اني اقول هالكلمه لاني ماعرف عن كل شخص ايش بيسوي فرجاءً مانبغى شغله انتي مو الف ولو كنتي الف ماسويتي او قلتي كذا 

الان خلونا نفرح لهان ونقول ان شاء الله لو ترشحو السوجو المرات الجايه بناخذها باذن الله .. غير ان قدامنا الماما بعد اسبوع تقريبا والغولدن بيكون قريب لكن ماتحدد للان .. 

ولا تقولو لي الالف العربي ماصوت شفت شده حيل لكن المشكله ان شده الحيل كانت متاخره شويه مو من بدايه التصويت فانتمنى كل ماعلنا عن تصويت مهم تركزو عليه من بدايه فتح التصويت .. 

انتهينا من موضوع التصويت .. نجي لموضوع الموقع : 

تعرفو للان ليش مافتحنا الموقع ؟!! 

لاننا نحس اننا مو واثقين فيكم كل مره تهز ثقتنا فيكم تخلينا ناخر بسبب عدم مشاركتكم معانا بالمشاريع وامور مهمه بتكون قدام الكل لما نفتحو الكل اكيد بيكون عنده فضول العرب لما يفتحو الموقع ايش ممكن بسوو ؟! 

من فتحنا المدونة كم مره حددت موعد لافتتاح الموقع ونرجع نغيره بسبب هالشي .. نعلنها بكل صراحة خايفين ومترددين اننا نحط نفسنا بوجه المدفع وتخلونا .. لاننا من الان نحس انكم مو متفاعلين معانا .. نعذر الكثير ومازلنا نكرر بكل مشروع وبكل نقاش ان كثير يبغو يشاركو لكن مايقدرو اما بسبب اهلهم او بسبب صعوبه وصلو المبالغ لنا .. لكن فين اللي يقدر .. نشوف مشاريع منفرده لكن لبلد معين او اشخاص معينين ومسحوب على مشاريعنا ؟!! 

مشروع الموقع الرسمي مايحتاج منكن الا تعملو هارت وبوسطه اسم السوجو كم عدد الفولورز للمدونه تعرفو كم وصلنا مشاركات .. اقل من 70 مشاركة .. هذا واحنا قلنا انه للموقع الرسمي ومايحتاج اي شي مكلف لكن فينكم ؟؟ انبح الصوت لكن مافي الا رد الصدى .. !! << للمعلومية مددنا كاخر فرصه لـ30 اكتوبر 

مشروعنا الاول وباسمنا وهو ليوم ميلاد دونقهي لان صار لنا وسيط بكوريا .. كلفنا 500 دولار تعرفو مشاركات الالف فيها كم ؟ 100 دولار بس والباقي من ادارة وعضوات الفريق .. وهذا هو مشروع واحد !! كيف لو صار لنا مشاريع خاصة باسمنا بالايام الجاية ويكون اكثر من مشروع ومناسبه بالشهر الواحد غير لو كنا بنشارك بدعم غذائي مو انتو تبغو تشاركو زي إلف العالم بهالشي فينكم ؟؟ ولا فقط كلام زي ماهو معهود منكم ؟؟

يد وحده ماتصفق واحنا صحيح مرتاحين مادياً لكن فكرو فيها مصروفنا ولا رواتبنا بتكفينا لايش ولايش اذا كلو راح على مشاريع .وامور ملتزمين فيها .. 

* رجاءً لاحد يتكلم بهالنقطة من الناحية الدينية لاننا احنا نعرف شيوخ كثيرين من دون ذكر اسماء بتعرفيهم بيروحو بلدنا كثيره ويسوو لهم مشاريع تبرعات حتى وهم مو مسلمين ويعرفهم بالاسلام ومدى سماحه وحب الاسلام .. ما اضحك عليكم واقولكم مشاريعنا لها نفس الهدف لكن احنا نبغى نوصل لمشاريع بنفس الهدف نبغى نسوي مشاريع تبرعات باسماء الاعضاء لدول مسلمه مو شرط اجنبيه عربيه كمان زي ماتشوفو مشاريع اجانب كثيره يتبرعو لنفس جمعيات بلدهم باسم السوجو .. هدفي كان بالبداية مو ديني بحت لكن لما فكرت فيها قلت لو احنا صفينا النيه وقلنا انها لوجهه الله وعشان نعرف ونعكس ديننا كيف هو رحيم ويساعد الفقراء ونحاول نصلح السمعة السيئة عننا .. 

بتكلم عن قصه حصلت لي شخصياً كررتها اكثر من مره لمن يعرفني ومالها بالتبرع المادي اي صله لكن متصله على تحسين الصوره عن المسلمين وعن اسلوب الكلام .. عرفت من سنتين تقريبا بنت عمرها 18 سنه من الفلبين تشاركنا انا وهي محبه السوجو وعرفتها بهالطريقه اول مره كلمتها تكلمنا عادي سالتني انتي من فين ؟؟ قلت لها عربيه من السعودية .. تعرفو ايش كان الرد .. " صمت " لما سكتت سكت استغربت رده الفعل لانها كانت تتكلم بحماس وهي اللي تبدا بالكلام .. اليوم اللي بعدها كلمتها وماسالتها عن شي اعتذرت وقالت لي اسفه على امس لكن جد انا تجاربي مع العرب جداً سيئة قلت لها ليش قالت هجومين ومو كويسين قلت لها طيب بسالك سؤال قالت ايش ؟ قلت لها انتو فالفلبين عندكم ناس مو كويسه ؟ قالت : ايوه .. قلت لها : تحبي ان الناس تحكم عليكي بانك مو كويسه وان الفلبين مو كويسين عشان هالفئه ,,؟! قالت : لا .. قلت لها : اجل انا زيك .. صحيح انا اعرف مساوئ العرب لكن في منهم الكويسين والعكس زي ماهو عندكم الكويسين والعكس .. سكتت وحاولت تغير الموضوع وتناقشنا بمواضيع كثير المهم بعد شهور من تعارفنا مع بعض والدردشه كانت شبه يوميه قالت لي : انا حابه اتعرف على دينك لانك اول عربية مسلمة عرفتها خلتني احب الاسلام مع ان في زملاء بفصلي مسلمين .. لكن بسبب منع اهلي اني اتكلم معاهم او يكون لي علاقه معاهم كنت ماعطيهم اهتمام لكن انتي باسلوبك وتعاملك معايا خلتيني فيا فضول اني اعرف عن الاسلام .. للمعلومية البنت مسيحية وابوها بابا في كنيسه قالت لي لو اهلي يعرفو بكلامي لكي صدقيني بيقتلوني .. قلت لها عارفه .. لكن لو حابه اعطيكي مواقع تقري عن الاسلام انا مستعده واعطيتها المواقع .. انا ماعرف ايش صار لها لليوم واتمنى مايكون صار لها شي سيء لاني انشغلت بشغلي وبالمدونه لفتره طويله وكانت اوقاتنا تتعارض فاختفت هي كمان .. كملت القصه للي عنده فضول لمعرفه النهايه .. 

الخلاصه من قصتي :: قد يسلم بيدك شخص وانتي ماتعرف ان ابسط كلمه او تصرف تسويه يكون سبب في اسلامه .. فرجاءً ارتقو بالتفكير والاسلوب مع العرب والاجانب .. ولا تاخذو كلامنا باننا ناس متخلفه وتفكيرها ميوزك وحب فرقه فقط ترى نفتخر بديننا وحبنا لديننا فرجاءً لا تدخلو الدين بكل تعليق تعلقو علينا .. "اتكلم عن كل الفئات".

اخر نقطه بتناقش فيها : سلبيات الفريق وساكشفها بالتفصيل لاول مره : 

حسيتو ان فريقنا ضعيف بيوم ؟ 

حسيتو انو مافي احد يشتغل بهالفريق وبكل المجالات كم عضوة .؟ 

طبعا انا اتكلم عن فتره ماقبل شهر تقريياً ومازلنا نعاني هالنقص في اقسام كثيره بالفريق .. 

الف جد جهودنا مبعثره .. ركزو بكلامي .. قد تطرقت ببعض النقاط من قبل لكن هالمره بتكلم بشكل اوسع .. 

اشوف عشرات الحسابات و المدونات اللي فيها طاقه لكن طاقه تحتاج لتجميع عشان تصيب الهدف .. 

احلف بالله من بدايه انشاء الفريق وانا كنت الليدر مافكرت بيوم بمنصبي كمنصب ليدر انا الف كإي الف وكمان عضوات الفريق يفكرو بنفس تفكير الا لو كان احد يفكر بطريقه ثانيه ؟! الخلاصة شيلو من راسكم اننا لو خليناكم ضمن فريقنا يعني راح ناخذ منكم حرية العمل بطباعكم الخاص .. لكن في قوانين تحتم عليكم الالتزام فيها لاننا فريق رسمي فهذي القوانين مابنتساهل فيها .. 

النقطه المهمه ان الفريق حالته مو مستقره وهذه كمان احد اسباب تاخير الموقع .. 

ببداكم بانا تغريد "TOTO JI SO " : 

تعرفو ايش اسوي واغلب هالامور تكون بنفس الوقت .. ادون , اترجم , انسق , اشيك على التعليقات , ارد على الاسئلة في الفورم .. ارتب مشاريع مع فريق العلاقات العامة .. ارد على الامور المهمه وتحتاج رد سريع كان من فرق متعاونين معاهم او من عضوات فريقنا .. تتخيلو ان اغلب هالامور تصير بوقت واحد وللمعلومية اللي تكون ماسكه التدوين هي تترجمه تحديثات التويتر اون لاين وهي اللي تحدث بالاخبار بالتويتر والفيسبوك .. ومو كم ساعه لا قد تكون ليوم كامل او يومين او لنص اليوم على حسب التقسيم وتغطيتنا لبعض .. 

اشواق "SHWQA" : 

تسوي كل اللي اسويه ماعاد الرد على الاسئلة في الفورم وتشيك على التعليقات وترتيب المشاريع مع فريق العلاقات العامة لكن نتناقش انا وهي بهالامور على حدا .. التنسيق والرد مع المتعاونين .. لكن تعرفو انا هالبنت اقدرها كثير قبل ماتكون صديقه لي مسكت كل الشغل لوحدها حتى ترجمه المقالات بعز ماكان مافي عضوات بالفريق وقت الاجازه وكان لابي خربان ودونت شهر ونص لوحدها بالمدونه ولا الطامه بفتره الكمباك اللي هي بشهر اغسطس .. تعرفو ايش يعني لوحدها انا كنت ادخل من الايباد انسق االمشاريع واشيك على التعليقات وارد بالفورم .. لكن باقي الامور هي سوتها لقت المساعدة وماننكر العضوات اللي ساعدو لكن كمان احنا عارفين ظروف العضوات اللي ماكانو متواجدين فترتها بسبب الاجازه وانه كان رمضان  وارتباطهم باهلهم عشان اكون منصفه .. بس المختصر من هذا كلو حسيتو باي شي ؟!! كان في فرق بعدم تواجدي او تواجد العضوات ؟؟ اظن اغلبكم بيقول لا .. 

تعرفو انو تجيني ايام اربط كف يدي الين معصمي عشان اصابعي لدرجه كفي كلو يكون يالمني بسبب طوله فتره الكتابه بالكيبورد ؟؟ تعرفو انو شوقه ظهرها يوجعها بسبب طوله فتره الشغل بالمدونة ؟ !!

تعرفو بسبب التزامنا بهالمدونه صحيح اننا احنا مانحب نخرج كثير لكن فوق كذا نكنسل خرجات بسبب الشغل بالمدونه 

قولو مجانين .. قولو اللي تقولو .. التزامنا بالفريق مو عشان هو فريق او عشان سوجو والف احنا بحياتنا ملتزمين باي شغل يكلف لنا لدرجه الانهاك .. تقدرو تقولو طبع قاتل الله يشفينا منه .. واهم شي الله يشغلنا بطاعتو ويهدينا .. 

اداريات وعضوات الفريق ماقصرو وعلى راسهم اللي مستمرين من بدايه الفريق لليوم رغم تغير ظروفهم اللي كانت بالثانوي وصارت جامعه واللي جامعه وصارت موظفه واللي كانت انسه وصارت سيدة .. احنا نقدر الظروف مهما كانت .. وماننكر احد اعذروني قصرت في التعريف عن دوركم لكن لازم اوضح وافصل مهمه الاداره والمعاناه اللي احنا فيها .. 

احنا حسينا امكن سبب فتور الاعضاء ان مافي تشجيع وحماس لهم صحيح قصرنا بحقهم في بعض الامور عشان كذا صار في خمول وتكاسل عشان كذا سوينا موضوع الاستضافه باكاونت التويتر امكن نحفزهم ويحسو بان الشغل مو مجرد شغل وانهم يستمتعو فيه للمعلومية هالوضع ماراح يستمر على طول كل عضو له الحق باستضافه وحده فقط يعني امكن ترتاحو مننا بعد ماينتهي دور كل الاعضاء .. 

المختصر واللي يهمنا كمان ليش هذا كلو ليش ماتساعدونا ليش طاقات الالفيات بالمدونات والتويتر والفيسبوك متناثره غير الفئة اللي تكون مجرد متفرجه ترى نقدر نقسم الوقت نقدر نرتب نفسنا ونصير اقوى واقوى وننافس الالف ببقيه دول العالم .. والله العظيم في خطط وامور نبغى نسويها لكن مافي وقت التدوين والشغل ماخذ وقتنا .. 

ما اقول الا ارحمو من في الارض يرحمكم من في السماء .. 

وفوق هذا يقال عننا احنا مو الف .. XD 

يدي تعورتني من الكتابه لكن احس اني ارتحت لما كتبت وفضفضت لكم وكلمه اخيره .. موجهه لانتيز المدونة او اللي مو عاجبنهم وضعنا  ترى زعلي هذا انفجار بسبب كتمتي طول هالفتره على حالكم ووضعكم ما كان السبب الرئيسي الانقلاب زي مانتو شايفين بكلامي اللي قبل لكن كان احد الاسباب ومعلومه ترى بنستمر باستضافة عضوات الفريق وكلامكم وانتقادكم اللي من اجل الانتقاد فقط ترى مايهمنا لان كل ماتزيدو انتقاد بنزيد عناد واصرار هذا مصدر قوة سوجو وينقز واستمرارهم لليوم .. 

اشكركم على سعت صدركم لقراءه كل كلامي ولمن ماقدر يتحملها وماكملها وشكراً لمن ايدني ولمن خالفني .. وعذراً على الاسلوب لاني وصلت لاقصى حد التحمل وانفجرت .. 

مازلت احب هذا المحيط الازرق رغم عيوبه لاني اعتبر نفسي قطره من قطراته فارجوكم كل الرجاء تكاتفو فنحن نستطيع صنع المستحيل .. 

كانت معكم 

TOTO_JI_SO