ندعو جميع ELF & FANS SUJU WINGS لهذا النقاش .. فمرحبا بكم !!




انيونغ هاسيو - السلام عليكم .. 


من الان انبهه من يريد اخذ كلامي بطريقة هجومية انتقادية من اجل البلبلة لا يكمل القراءه ..
ومن يريد ان يتناقش معي نقاش واعي بعيد عن الجدال من اجل الجدال فاكمل القراءه لاني انتظر النقاش معك .. ولكن باسلوب لبق ومتحضر ..~

ادعو جميع  ELF & FANS SUJU WINGS لهذا النقاش ... ولا اخص احد بما اكتب سوى من سأوجهه له بعض اجزاء هذا النقاش .. 


بعيد عن الدين وعن ان نبي الله محمد عليه افضل الصلاة والسلام .. واننا تعلمنا من عقيدتنا الحب والاحترام ومقابلة الاساءه بالاحسان .. هذا الكلام لا يختلف عليه اثنان بمعتقدي انا وكثير ممن سيقرؤن كلامي لكن ايضاً لا اهمش الديانات الاخرى لان متابعين هذه المدونة ليس فقط ممن يعتنقون الدين الاسلامي فاقول لكم جميعاً مرحب بكم هنا لنقاش ايضاً ,لاننا اشخاص لا نحب العنصرية  بإي شكل من الاشكال . 

* هذه المقدمة لمن سيتطرق بتعليقه بالامور الدينية التي كل ما تحدثنا عن امر اقحمو الدين فالموضوع .. 


حتى لا اطيل بالمقدمة ودائماً مااستخدم مقدمتي باللغة الفصحى واسرد بقيه كلامي بالعامية .. لانها ستصل اسرع من غيرها وحتى اخذ راحتي في استخدام بعض الكلمات التي تنقصني باللغة الفصحى .. على ذلك اكمل حدثي .. ~


زاد عدد المتابعين ونشكركم على دعمكم لنا لكن بتكلم بصراحة احنا اول مدونة عربية تصل لهذا العدد من الفولورز .. صحيح ؟!!
هذا يدل على تميزنا وعلى اننا قدرنا نوفر لكم امور كثيره ما وفروها المدونات الثانية مع احترامي لمجهود كل المدونات " لا اقصد هنا الاساءه " .. !!

وفرنا لكن اخبار اون لاين لكل اخبار السوجو من موقع الحدث - تغطية حفلات اما روابط او تغطية كتابيه في التويتر - مشاريع اما مادية او معنوية - البومات ومتجر خاص ببضائع سوجو وغيرهم من فرق الكي بوب .. 

فريقنا من النخبه ونحاول نجمع جهود "الالف" العرب وندعم حتى الفرق الاخرى في النشر عن حساباتهم او اي شي طلبونا فبه بعمل ريتويت بالتويتر ..~ 

للمعلومية متابعين المدونة مو بس عرب في كثير اجانب يتابعوها ادخلو لاحصائية المدونة وشوف الدول اللي زارت المدونه وكم عددهم  ومتى اخر زياره لهم .. وكمان في اجانب اعرفهم وماعرفهم كلموني وقالو لي اننا صرنا ننافس الفرق والمدونات الاجنبية بالسرعة والمقالات اللي تكون بالعربيه يشوفو المصدر اسفل التدوينه ويبحثو عنه ويقرو الخبر ... ثقة فريقنا ليست من فراغ .. 

انتو عبرتو عن امتنانكم لنا بالشكر والدعم واختلفت الطريقة من شخص واخرى واحنا شاكرين لكم .. ولكن !! 

ساكشف لكم الوجه الاخر من اللي حسينا فيه من فتحنا هالمدونة .. فركزو بكلامي ولي الحق بالكلام بهالطريقة لانكم وصلتونا لهالمرحلة .. ماراح ارد على شخص فهم كلامي بالمعنى الخطأ !!

هناك فئة فاهمة الموضوع غلط او مادري كيف تفكيرها .. احنا بشر ومو الالات احنا لنا خبراتنا مو ناس جايه تتفلسف وتسوي اشياء من راسها ..!! 
احنا بالعربي مانشتغل عندكم ..!!

لما يجو هالفئة باسلوب دون المستوى يتكلمو مع اشخاص عندهم خبره اكثر منهم واللي يثبت هالكلام نجاح هالفريق والمدونة , مهما كان فيها سلبيات خلف الكواليس ماحسيتو فيها بيوم ! ولا حسسناكم فيها !!

* للمعلومية السلبيات مو مننا امكن اكون اخطاءت في عدم تحفيز فريقي ولكن احاول هالفتره اصلح هالخطأ .. مع ان الخطأ مو كله عليا وبيوضح المقصود بكلامي الجاي .. 

نرجع لمحور كلامنا .. يجوني اشخاص يقولو لي المفروض انتي ماتسوي كذا تسوي كذا !! 
انتو تعرفو اني انا ماخطو خطوه الا مستشيره فيها ادارية الفريق الي معايا شوقه وكمان اشخاص عرب و اجانب اذا كان الامر كبير ويحتاج استشارتهم طبعا ماقول انا خبره بكل شي لكن نتعلم ونتبادل خبرات .. ان جانا الانتقاد على امر خاطئ و يحتاج تعديل صار سهو مننا نعدل الخطأ بسرعه .. واللي متابعينا من اول يثبتو هالكلام .. 

فئة اخرى , اقراء تعليقات على تدوينات جداً استغرب منها لا تقولو لي مبزره إلف وهالكلام في عالم حتى إلف مخضرم له سنوات يعرف السوجو واعمارهم كبيره ويكتبو مثل هالتعليقات .. مع اننا كاتبين بقوانين المدونه سب اي عضو من السوجو او اي عضو من فرقة اخرى او من متابعين بينحذف الرد .. فئة كبيره من زوار ومتابعين هالمدونه اتحدى لو زارو قسم القوانين !!

طيب حلينا موضوع التعليقات ونحذف طيب انتو ليش كتبتوها من الاساس طالما مصيرها الحذف يعني بس زياده شغل علينا ؟! للمعلومية عدد التعليقات المحذوفه في تزايد مستمر والادهى والمر ان في عالم صارت ترد عليهم مع اننا ذكرنا كمان بالقوانين اللي يرد عليهم ينحذف ردهم .. فزادت كميه الشغل الدبل لان اللي يردو على الي يسبو اكثر من الردود اللي سبت !! 

يعني والحل ؟! 

فئة اخرى , هالفئة جديدة صراحة بدات من بدانا نقاشات ودردشه باكاونت التويتر وصراحة صدموني فيهم وكل شخص يعرف ايش كتب حتى لو ماكان مرفق بالتويت اكاونت المدونة وصلني كلام من اشخاص ... هذا مو موضوعنا .. 

موضوعي الانقلاب اللي صار يوم الخميس اللي فات لما كانت عضوه تدردش مع الفانز اولا صار انقلابين 


1- انقلاب المصوتين لجائزه ايما اللي كشف لنا اخلاقيات بعض الالف اللي نعرفهم .. 
2 - انقلاب اللي قالو ان سوجو وينقز كثر كلامهم هالفتره وصارو سخيفين وطاحت هبيتهم .. 

للمعلومية انا مايهمني كلام احد طالما انا وفئه كبيره مايدين لكن اللي صدمني ان اغلب هالفئة من متابعين المدونة والف يعني طعنه بالظهر !! لانكم بس تبغو مننا اللي يشبع حاجتكم وفضولكم وخقتكم باعضاء السوجو لكن ماتبغو تحسو ان هالمدونة عائلة او عالم حاب يعرفكم على نفسه او تعرفونا عن نفسكم نتناقش معاكم افكار وامور بيننا كالف .. ~

وقفه : ماشفت هالانقلاب يوم 15 اكتوبر لما انرفع هاشتاق يوم ميلاد دونقهي وكان باقي على انتهاء التصويت 7 ساعات مع انه صار علينا وكان باقي على التصويت 4 ايام .. 
لا تقولو لي توتر ما توتر الالف, اسلوب الشخص يسبق عمله ورسالته .. جد اسلوب الاغلبيه مازلت اكرر كان دون المستوى .. 
احنا مانقبل احد يتكلم معانا بهالطريقة صدقوني ماراح تلقو مننا شي لا تعاون ولا غيره .. واحنا مو مجبرين .. للمعلومية الاجانب يحترمو ليدرهم وكمان يتكلمو مع فريقهم الرسمي باحترام هنا ينعكس شكرهم وامتنانهم .. لكن لمتى نقول عشان خدمة السوجو وخدمة الالف .. راحت كرامتنا نسكت نعتذر كبرنا راسنا لكن لمتى ؟!! 

* ما اقول كل الالف كذا ولا اقول ان الالف هم بس كذا للمعلومية هذا حال فانز الكي بوب خاصه والشعب العربي عامة .. ما انزه الاجانب ولا اقول الكوريين مافي منهم هالفئه لكنهم فئه قليله .. 
ومن خبرتي بالكوريين والاجانب وبالعرب من عرفت الكي بوب والسوجو ان مشاكلهم نادره وكانت على امور كبيره لكن العرب كل يوم لهم مشكله ومضاربه .. بتقولو لي المعارضين وما المعارضين بقولكم اوكي مو مشكله لكن الالف اللي زيكم الفانز اللي من فانكلوبات ثانيه دا ايش وضعكم معهم ؟!!

* لتوضيح ما اقصد قروب التصويتات  لان يوم استضافة العضوة صار سوء فهم لاننا ماكنا نعرف موعدهم اليومي في تجميع الاصوات واعتذرنا لهم رسمياً في التويتر وهم اعتذرو لنا .. وانتهى سوء الفهم .. 

* شات المدونات كمان مو للمضاربات والسب لو زاد الوضع بنلغيه من المدونه .. 

بوضح شغله بهالنقطة : 
احنا بدانا بموضوع الدردشه باكاونت التويتر اولا لان صار قبل حدث مع احد عضواتنا اللي بتتزوج وكانت مسويه هدايا للفانز ومفاجاه للفريق احنا حتى مانعرف ايش كانت بتقول .. اكتشفنا ان اغلب الالف مايدري من هم الفريق من الاداره وحتى المساعدين .. واستمر و اقول فئة كبيره من زوار ومتابعين المدونة اتحدى لو دخلو قسم الفريق وعرفو على الاقل اسماء الفريق وعلى فئاته .!!

ثانياً عضوات الفريق من كثر انشغالنا بينضمو لنا اعضاء مانعرف عنهم الا المعلومات المطلوبه فحبينا كمان احنا نتعرف عليهم .غير اننا مكروفين بالشغل من ننام الين نصحى شغل من حق فريقي يحس انه يشتغل لاشخاص بجد متابعينهم ويبغو يعرفوهم... 

للمعلومية ادارية الترجمة مها اللي كانت مستضافه يوم الخميس وقت الانقلاب اعتذرت لي انها قالت كلامها بالتويتر عن اللي مو عاجبه فريقنا في قروبات ثانيه يروح لها .. صحيح هي غلطت وما ابرر لها لكن من كميه الكلام اللي كان بالمنشن استفزوني وانا اللي مافي ابرد مني .. انا اسكت على حقي عادي لكن على حق اشخاص وثقو فيا وخلوني ارئسهم واكون واجهتهم كذا انتو تعديتو خطوط حمراء بالنسبه ليا .. 

انتهينا من اللي كان فاقع قلبي هاليومين اللي راحو نجي على تصويت ايما اللي قسم الالف مابين مؤيد ومابين منتقد .. 

ليتوك قال : اعضاء السوجو 13 لكن عائلة السوجو 15 
اللي مايؤمن بهالشي كسر اول قاعدة حطها ليدرنا .. !! 

هان من السوجو ومننا وفينا .. لا هو قال للقائمين على تصويت ايما انكم تحطوني مع السوجو ولا قالهم فوزوني عليهم .. 
السوجو خسرو .. صحيح مؤلمه هالكلمة كوني إلف .. لكن هذه صحوى لنا .. 
السوجو لما خسرو الغولدن .. الالف عصب وستنكر وحلف الا ياخذها السنه الجايه .. واخذناها .. 

للمعلومية نسبه الالف الصيني تقريبا 50% من الالف بالعالم عددهم كبير بالاضافه انجازاتهم وشغلهم مافيه زيه لذلك سمو بالالف الوحش او الاونيات المخيفات .. مو من حق اي شخص يسبهم لانقساهم البعض قال انهم صوتو لسوجو كمان ..لكن مانلومهم .. بالاضافة الالف الاجنبي بالبداية زعل لخسارة السوجو لكن مانقسمو وسبو هان وقالو انه مو من السوجو او انه مايستاهل الفوز .. 

غير هالانقسام في انقسام ثاني اللي هو يقولك انتي مو الف ويحكم باللي يعكس تفكيره وقناعته انه مو الف انا شوفو اللي هي انا ماقدر احكم على اي شخص انه مو الف انا مو مخوله اني اقول هالكلمه لاني ماعرف عن كل شخص ايش بيسوي فرجاءً مانبغى شغله انتي مو الف ولو كنتي الف ماسويتي او قلتي كذا 

الان خلونا نفرح لهان ونقول ان شاء الله لو ترشحو السوجو المرات الجايه بناخذها باذن الله .. غير ان قدامنا الماما بعد اسبوع تقريبا والغولدن بيكون قريب لكن ماتحدد للان .. 

ولا تقولو لي الالف العربي ماصوت شفت شده حيل لكن المشكله ان شده الحيل كانت متاخره شويه مو من بدايه التصويت فانتمنى كل ماعلنا عن تصويت مهم تركزو عليه من بدايه فتح التصويت .. 

انتهينا من موضوع التصويت .. نجي لموضوع الموقع : 

تعرفو للان ليش مافتحنا الموقع ؟!! 
لاننا نحس اننا مو واثقين فيكم كل مره تهز ثقتنا فيكم تخلينا ناخر بسبب عدم مشاركتكم معانا بالمشاريع وامور مهمه بتكون قدام الكل لما نفتحو الكل اكيد بيكون عنده فضول العرب لما يفتحو الموقع ايش ممكن بسوو ؟! 
من فتحنا المدونة كم مره حددت موعد لافتتاح الموقع ونرجع نغيره بسبب هالشي .. نعلنها بكل صراحة خايفين ومترددين اننا نحط نفسنا بوجه المدفع وتخلونا .. لاننا من الان نحس انكم مو متفاعلين معانا .. نعذر الكثير ومازلنا نكرر بكل مشروع وبكل نقاش ان كثير يبغو يشاركو لكن مايقدرو اما بسبب اهلهم او بسبب صعوبه وصلو المبالغ لنا .. لكن فين اللي يقدر .. نشوف مشاريع منفرده لكن لبلد معين او اشخاص معينين ومسحوب على مشاريعنا ؟!! 

مشروع الموقع الرسمي مايحتاج منكن الا تعملو هارت وبوسطه اسم السوجو كم عدد الفولورز للمدونه تعرفو كم وصلنا مشاركات .. اقل من 70 مشاركة .. هذا واحنا قلنا انه للموقع الرسمي ومايحتاج اي شي مكلف لكن فينكم ؟؟ انبح الصوت لكن مافي الا رد الصدى .. !! << للمعلومية مددنا كاخر فرصه لـ30 اكتوبر 

مشروعنا الاول وباسمنا وهو ليوم ميلاد دونقهي لان صار لنا وسيط بكوريا .. كلفنا 500 دولار تعرفو مشاركات الالف فيها كم ؟ 100 دولار بس والباقي من ادارة وعضوات الفريق .. وهذا هو مشروع واحد !! كيف لو صار لنا مشاريع خاصة باسمنا بالايام الجاية ويكون اكثر من مشروع ومناسبه بالشهر الواحد غير لو كنا بنشارك بدعم غذائي مو انتو تبغو تشاركو زي إلف العالم بهالشي فينكم ؟؟ ولا فقط كلام زي ماهو معهود منكم ؟؟

يد وحده ماتصفق واحنا صحيح مرتاحين مادياً لكن فكرو فيها مصروفنا ولا رواتبنا بتكفينا لايش ولايش اذا كلو راح على مشاريع .وامور ملتزمين فيها .. 

* رجاءً لاحد يتكلم بهالنقطة من الناحية الدينية لاننا احنا نعرف شيوخ كثيرين من دون ذكر اسماء بتعرفيهم بيروحو بلدنا كثيره ويسوو لهم مشاريع تبرعات حتى وهم مو مسلمين ويعرفهم بالاسلام ومدى سماحه وحب الاسلام .. ما اضحك عليكم واقولكم مشاريعنا لها نفس الهدف لكن احنا نبغى نوصل لمشاريع بنفس الهدف نبغى نسوي مشاريع تبرعات باسماء الاعضاء لدول مسلمه مو شرط اجنبيه عربيه كمان زي ماتشوفو مشاريع اجانب كثيره يتبرعو لنفس جمعيات بلدهم باسم السوجو .. هدفي كان بالبداية مو ديني بحت لكن لما فكرت فيها قلت لو احنا صفينا النيه وقلنا انها لوجهه الله وعشان نعرف ونعكس ديننا كيف هو رحيم ويساعد الفقراء ونحاول نصلح السمعة السيئة عننا .. 

بتكلم عن قصه حصلت لي شخصياً كررتها اكثر من مره لمن يعرفني ومالها بالتبرع المادي اي صله لكن متصله على تحسين الصوره عن المسلمين وعن اسلوب الكلام .. عرفت من سنتين تقريبا بنت عمرها 18 سنه من الفلبين تشاركنا انا وهي محبه السوجو وعرفتها بهالطريقه اول مره كلمتها تكلمنا عادي سالتني انتي من فين ؟؟ قلت لها عربيه من السعودية .. تعرفو ايش كان الرد .. " صمت " لما سكتت سكت استغربت رده الفعل لانها كانت تتكلم بحماس وهي اللي تبدا بالكلام .. اليوم اللي بعدها كلمتها وماسالتها عن شي اعتذرت وقالت لي اسفه على امس لكن جد انا تجاربي مع العرب جداً سيئة قلت لها ليش قالت هجومين ومو كويسين قلت لها طيب بسالك سؤال قالت ايش ؟ قلت لها انتو فالفلبين عندكم ناس مو كويسه ؟ قالت : ايوه .. قلت لها : تحبي ان الناس تحكم عليكي بانك مو كويسه وان الفلبين مو كويسين عشان هالفئه ,,؟! قالت : لا .. قلت لها : اجل انا زيك .. صحيح انا اعرف مساوئ العرب لكن في منهم الكويسين والعكس زي ماهو عندكم الكويسين والعكس .. سكتت وحاولت تغير الموضوع وتناقشنا بمواضيع كثير المهم بعد شهور من تعارفنا مع بعض والدردشه كانت شبه يوميه قالت لي : انا حابه اتعرف على دينك لانك اول عربية مسلمة عرفتها خلتني احب الاسلام مع ان في زملاء بفصلي مسلمين .. لكن بسبب منع اهلي اني اتكلم معاهم او يكون لي علاقه معاهم كنت ماعطيهم اهتمام لكن انتي باسلوبك وتعاملك معايا خلتيني فيا فضول اني اعرف عن الاسلام .. للمعلومية البنت مسيحية وابوها بابا في كنيسه قالت لي لو اهلي يعرفو بكلامي لكي صدقيني بيقتلوني .. قلت لها عارفه .. لكن لو حابه اعطيكي مواقع تقري عن الاسلام انا مستعده واعطيتها المواقع .. انا ماعرف ايش صار لها لليوم واتمنى مايكون صار لها شي سيء لاني انشغلت بشغلي وبالمدونه لفتره طويله وكانت اوقاتنا تتعارض فاختفت هي كمان .. كملت القصه للي عنده فضول لمعرفه النهايه .. 

الخلاصه من قصتي :: قد يسلم بيدك شخص وانتي ماتعرف ان ابسط كلمه او تصرف تسويه يكون سبب في اسلامه .. فرجاءً ارتقو بالتفكير والاسلوب مع العرب والاجانب .. ولا تاخذو كلامنا باننا ناس متخلفه وتفكيرها ميوزك وحب فرقه فقط ترى نفتخر بديننا وحبنا لديننا فرجاءً لا تدخلو الدين بكل تعليق تعلقو علينا .. "اتكلم عن كل الفئات".


اخر نقطه بتناقش فيها : سلبيات الفريق وساكشفها بالتفصيل لاول مره : 
حسيتو ان فريقنا ضعيف بيوم ؟ 
حسيتو انو مافي احد يشتغل بهالفريق وبكل المجالات كم عضوة .؟ 
طبعا انا اتكلم عن فتره ماقبل شهر تقريياً ومازلنا نعاني هالنقص في اقسام كثيره بالفريق .. 
الف جد جهودنا مبعثره .. ركزو بكلامي .. قد تطرقت ببعض النقاط من قبل لكن هالمره بتكلم بشكل اوسع .. 
اشوف عشرات الحسابات و المدونات اللي فيها طاقه لكن طاقه تحتاج لتجميع عشان تصيب الهدف .. 

احلف بالله من بدايه انشاء الفريق وانا كنت الليدر مافكرت بيوم بمنصبي كمنصب ليدر انا الف كإي الف وكمان عضوات الفريق يفكرو بنفس تفكير الا لو كان احد يفكر بطريقه ثانيه ؟! الخلاصة شيلو من راسكم اننا لو خليناكم ضمن فريقنا يعني راح ناخذ منكم حرية العمل بطباعكم الخاص .. لكن في قوانين تحتم عليكم الالتزام فيها لاننا فريق رسمي فهذي القوانين مابنتساهل فيها .. 

النقطه المهمه ان الفريق حالته مو مستقره وهذه كمان احد اسباب تاخير الموقع .. 

ببداكم بانا تغريد "TOTO JI SO " : 
تعرفو ايش اسوي واغلب هالامور تكون بنفس الوقت .. ادون , اترجم , انسق , اشيك على التعليقات , ارد على الاسئلة في الفورم .. ارتب مشاريع مع فريق العلاقات العامة .. ارد على الامور المهمه وتحتاج رد سريع كان من فرق متعاونين معاهم او من عضوات فريقنا .. تتخيلو ان اغلب هالامور تصير بوقت واحد وللمعلومية اللي تكون ماسكه التدوين هي تترجمه تحديثات التويتر اون لاين وهي اللي تحدث بالاخبار بالتويتر والفيسبوك .. ومو كم ساعه لا قد تكون ليوم كامل او يومين او لنص اليوم على حسب التقسيم وتغطيتنا لبعض .. 

اشواق "SHWQA" : 
تسوي كل اللي اسويه ماعاد الرد على الاسئلة في الفورم وتشيك على التعليقات وترتيب المشاريع مع فريق العلاقات العامة لكن نتناقش انا وهي بهالامور على حدا .. التنسيق والرد مع المتعاونين .. لكن تعرفو انا هالبنت اقدرها كثير قبل ماتكون صديقه لي مسكت كل الشغل لوحدها حتى ترجمه المقالات بعز ماكان مافي عضوات بالفريق وقت الاجازه وكان لابي خربان ودونت شهر ونص لوحدها بالمدونه ولا الطامه بفتره الكمباك اللي هي بشهر اغسطس .. تعرفو ايش يعني لوحدها انا كنت ادخل من الايباد انسق االمشاريع واشيك على التعليقات وارد بالفورم .. لكن باقي الامور هي سوتها لقت المساعدة وماننكر العضوات اللي ساعدو لكن كمان احنا عارفين ظروف العضوات اللي ماكانو متواجدين فترتها بسبب الاجازه وانه كان رمضان  وارتباطهم باهلهم عشان اكون منصفه .. بس المختصر من هذا كلو حسيتو باي شي ؟!! كان في فرق بعدم تواجدي او تواجد العضوات ؟؟ اظن اغلبكم بيقول لا .. 

تعرفو انو تجيني ايام اربط كف يدي الين معصمي عشان اصابعي لدرجه كفي كلو يكون يالمني بسبب طوله فتره الكتابه بالكيبورد ؟؟ تعرفو انو شوقه ظهرها يوجعها بسبب طوله فتره الشغل بالمدونة ؟ !!

تعرفو بسبب التزامنا بهالمدونه صحيح اننا احنا مانحب نخرج كثير لكن فوق كذا نكنسل خرجات بسبب الشغل بالمدونه 

قولو مجانين .. قولو اللي تقولو .. التزامنا بالفريق مو عشان هو فريق او عشان سوجو والف احنا بحياتنا ملتزمين باي شغل يكلف لنا لدرجه الانهاك .. تقدرو تقولو طبع قاتل الله يشفينا منه .. واهم شي الله يشغلنا بطاعتو ويهدينا .. 

اداريات وعضوات الفريق ماقصرو وعلى راسهم اللي مستمرين من بدايه الفريق لليوم رغم تغير ظروفهم اللي كانت بالثانوي وصارت جامعه واللي جامعه وصارت موظفه واللي كانت انسه وصارت سيدة .. احنا نقدر الظروف مهما كانت .. وماننكر احد اعذروني قصرت في التعريف عن دوركم لكن لازم اوضح وافصل مهمه الاداره والمعاناه اللي احنا فيها .. 

احنا حسينا امكن سبب فتور الاعضاء ان مافي تشجيع وحماس لهم صحيح قصرنا بحقهم في بعض الامور عشان كذا صار في خمول وتكاسل عشان كذا سوينا موضوع الاستضافه باكاونت التويتر امكن نحفزهم ويحسو بان الشغل مو مجرد شغل وانهم يستمتعو فيه للمعلومية هالوضع ماراح يستمر على طول كل عضو له الحق باستضافه وحده فقط يعني امكن ترتاحو مننا بعد ماينتهي دور كل الاعضاء .. 

المختصر واللي يهمنا كمان ليش هذا كلو ليش ماتساعدونا ليش طاقات الالفيات بالمدونات والتويتر والفيسبوك متناثره غير الفئة اللي تكون مجرد متفرجه ترى نقدر نقسم الوقت نقدر نرتب نفسنا ونصير اقوى واقوى وننافس الالف ببقيه دول العالم .. والله العظيم في خطط وامور نبغى نسويها لكن مافي وقت التدوين والشغل ماخذ وقتنا .. 

ما اقول الا ارحمو من في الارض يرحمكم من في السماء .. 

وفوق هذا يقال عننا احنا مو الف .. XD 


يدي تعورتني من الكتابه لكن احس اني ارتحت لما كتبت وفضفضت لكم وكلمه اخيره .. موجهه لانتيز المدونة او اللي مو عاجبنهم وضعنا  ترى زعلي هذا انفجار بسبب كتمتي طول هالفتره على حالكم ووضعكم ما كان السبب الرئيسي الانقلاب زي مانتو شايفين بكلامي اللي قبل لكن كان احد الاسباب ومعلومه ترى بنستمر باستضافة عضوات الفريق وكلامكم وانتقادكم اللي من اجل الانتقاد فقط ترى مايهمنا لان كل ماتزيدو انتقاد بنزيد عناد واصرار هذا مصدر قوة سوجو وينقز واستمرارهم لليوم .. 


اشكركم على سعت صدركم لقراءه كل كلامي ولمن ماقدر يتحملها وماكملها وشكراً لمن ايدني ولمن خالفني .. وعذراً على الاسلوب لاني وصلت لاقصى حد التحمل وانفجرت .. 

مازلت احب هذا المحيط الازرق رغم عيوبه لاني اعتبر نفسي قطره من قطراته فارجوكم كل الرجاء تكاتفو فنحن نستطيع صنع المستحيل .. 


كانت معكم 
TOTO_JI_SO

تعليقات

  1. حبيبتي ما عليكي من احد ابد المدونه رائع بل اكثر من رائع و الله من يوم ما اصحة لين ما انام وانا عليها واشكركم من كل قلبي واتمن لكم حياة سعيده من جد اتمن اسعدكم في شي لكن ما اعرف انجليزي ولا اعرف انزال هذي هي المشكله و بخصوص الانتيز ما عليكي منهم حبيباتي كون زي الجبال الي ما تهزه الرياح وكمان حبيبتي اخرجة الاخبار مهي طايره واعتقد البنات يقدرو يستنه و صراحة احب التدوينة حقت اخر اخبار السوبر مرا حلوه و بخصوص التعليقات ان شاء الله معد ارد على احد وان شاء الله ربي يسعدكم

    ردحذف
  2. ي قلبي عليكم ي أونياتي بجد أنا اكثر مدونه احبها انتم مشكورين على كل شي تسو ونه لنا لو أشكركم من اليوم لبعد مليون سنة ما راح او فيكم حقكم

    ردحذف
  3. كل كلمه قولتيهاا انا اشهد عليهاا و انا اعرف جهودكم في المدونه و دخلتهاا من اول ما نفتحت عن جد هذي المدونه الوحيده يلي اول ما افتح الاب افتحها على طول و ما اقفلها الا اذا كنت رااح اقفل الاب اخبااركم اول بأول و الكل يشهد عليكم حتى اتكون عندكم اخباار مو موجوده في المدونات الاجنبيه او العربيه الخاصه بالسووجوو و راح اكون معااااكم حتى تفتحوا الموقع << على فكره حدي متحمسه للموقع كككك
    اما عن الفئه يلي تتكلم عن هان اوكي انا الف و زعلت لما السووجوو ما تأهلوا بس كنت فرحانا انه هان تأهل لانه هذا يبين لنااس وكمان لشركه SM انه هاان لحد الان موجود و عنده جمهور زي السووجوو و اكيد الاعضااء فرحانين له و انا رااح اظل اصوت له
    ومهما صار رااح يظلوا اعضاءالسوجو 13 لكن عائلة السوجو 15 ونحنا الالف نؤمن بهالشي .
    كلاامك كان كثير بس تكلمت عن الاشيااء المهمه وان شااء الله من بعد هذي التدوينه الكل يفهم و يترك التصرفاات هذي .. وكمان يا الفياات هذي المدونه هي الوحيده يلي تجمع الشي الوحيد يلي نحبه و نخااف عليه اتمنى بدل ما تتكلموا و تتهاااوشوا مع الفاان كلوبات الثاانيه اهتموا في التصويتاات الهااامه ابليز ترا الجوائز المهمه قربت ابليز هذا الشي الوحيد يلي نقدر نسوي لهم

    نشكر جهودكم في المدونه فاااااايتينق جاايو اجااا قتال <<< ما بقيت شي ككككك

    ردحذف
  4. أولا أحب أشكرك ياتغريد لإنك ماسكه المدونه وأشكر جميع الفريق أشكركم ع طولت بالكم وصبركم ع بعض الاشخاص والله الأغلب مقدركم ويراعي ظروفكم آنتم مهما كان بشر مثلنا وعندكم ظروف وأشغال يعني المفروض البقيه واللي مو عاجبها هالشيء تسكت لو هم مكانكم ماتحملوا وسالفة إنو كل إسبوع وحده من فريق السوجو وينقز تتكلم معنا بالعكس أنا حسيتها شيء جميل يكفي انو إحنا عرفنا فريقكم لأن بجد قبل ماكنت أعرف الفريق حلو إنها تكلمنا وتتكلم عن قصتها مع السوجو والله فضلكم علينا كبير وماعليكم من الأنتيز واللي يتكلمون عليكم اللي مو عاجبه لايدخل المدونه وخلصنا اسأل الله العلي القدير لي ولكن التوفيق فايتنغ يا أروع فريق

    ردحذف
  5. الله يعطيكم العافيه انتو افضل فريق صراحه وبدون مجامله
    انتو كفريق تشبهو السوجو كلكم بدايتكم صعبه السوجو بالقوة والتكاتف بين الاعضاء قدرو يثبتو نفسهم وانتم بصبركم وقوتكم وتحملكم قدرتو تثبتو نفسكم فريق منظم وسريع بنقل الاخبار لنا اول باول انتم بشر ومثل ما قلتي كلامك صح 100% ما تشتغلو عندنا ولكم حياتكم الخاصه زي كل الناس اهل ودراسه وشغل ومع ذلك عمركم ما تاخرتو ولا اجلتو خبر من امس لليوم تستحقو الف والف والف شكر ...
    بالنسبة للي صار بالتويتر والهجوم عليكم مالهم حق ابداً من حقكم تعرفو عن انفسكم ومن حقنا نعرفكم اكثر نسأل نسولف كل الحسابات الرسميه لكل الفرقة تسوي كذا اشمعنى انتو الي ماعجبهم على العموم ما هليكم منهم استمرو ^_^
    تصويت ايما كلمة حق تقال الالف العربي شدو حيلهم فيه باقوى ما عندهم صح كان متاخر شوي بس مجهود راائع وتعلمنا من اخطائنا ان شاء الله نستفيد منها بالتصويتات الجايه ... السوجو ما تأهلو امر الله رغمنا بذلنا جهدنا ... هان تأهل هذا يخفف الالم الي بقلوبنا هان من السوجو ورح يظل من السوجو وبالنسبة للالف الصيني محد يلومهم ابداً سواء الي صوتو لهان او لسوجو كانو بموقف لا يحسدو عليه الحين لازم كلنا ندعم هان عشان يفوز
    وبالنسبة لكلام انتي الف وانتي مو الف انا ما احب الكلام ذا ابداً ما يحق لي حد يحكم على الناس انت كذا وانت كذا لانه مادخل قلوبهم ولا عرف وش فيها فيرحم والديكم خلو النوايا لعلام الغيوب وخلونا كالف يد وحده مهما كان عشان السوجو
    هذرت واجد ^_^
    فاااايييتنغ سوجو وينقز ساااررااانيووو ... قلوب قلوب بحجم حبنا لسوجو ...

    ردحذف
  6. من جد اقرا وانا فيني الصيحه عالعموم لقيت ناس مثلي مايحبون يطلعون من البيت كثير ﻷني دايم لمن أقول ماأحب اطلع الكل يستنكر هالشي وبعدين احلى شي سويتوه تعرفونا عليكم أنا ماعندي صديقات كثير فأبي أتعرف عليكم فبلييييييزز استمروا بالسوالف معنا من تويتر لأنه هو المكان الوحيد اللي يجمعنا على اﻷقل مررره في اﻷسبوع وعلى طاري القصه اللي حصلت معك أنا أشهد مع البنت أسلوبك مررره رووووعه تخلين الواحد يحبك غصب ومو بس انتي كل الفريق والاحظ من ردودكم علي في الاسك وغيره وتعاملكم مع الانتي وتطنيشكم لهم استمروا بتطنيشهم الحقران يقطع المصران وشواقه حبيت بصراحه فايتينق وربي يوفقكم ^^

    ردحذف
  7. سوجوو وينقز ,, ماتتصورون قد ايش انتوا شي مهم بحياتــي ,, انا متابعتكم من زمااااااااان من قبل ماتفتحوا المدونه حتى ,, اتابعكم بشكل يومي ,, صرتــوا جزء أساسي من يــومي من لما اصحى حتى انام وانا اشيك كل شوي عالتويتر واقرأ الاخبار وربي مو قادره اتخيل كيف بتكون حياتي اذا انتهى هالفريق ,, اتمنى من كل قلبي تستمروا للابد ,, وانا بدعمكم بكل اللي اقدر عليه ان شاءالله ,, معليش ماني عارفه اعبر عن شعوري ومو عارفه كيف اشكركم ,, مهما قلت شكرا شكراشكراااااا كمان قليله فيكم ., الله يوفقكم يارب ويسعدكم ويحقق امانيكم ,,.,, بخصوص الانتيز واللي يجوا يسبوا او يتشرطوا عليكم << صدقوني كلهم مبــزره والله العظيم مجرد مراهقين مهما تسووا ومهما تتكلموا معهم مارح يستوعبوا كلامكم ولانكم فريق كبير مشهوور هالكلام بيكون شي طبيعي << المفروض تستغربوا اذا ماجاكم هالكلام ,, هذا دليل على نجاحكم أتمنى ماتأثر فيكم هالنوعيه من االردود وتحبطكم بالعكس خذوها بشكل ايجابي زيدوا من ثقتكم بنفسكم ,, لان مستحيل احد يوصل لمستواكم .. تذكروا السوجو في بداياتهم قد ايش كان في معارضين لهم واقد ايش كان عندهم انتيز ومحد عطاهم وجه لا الفانز ولا شركتهم الزفت ,, بس شوفوا الحين وين وصلوا صاروا قواد موجة الهاليو ,, الفرقه رقم واحد في آسيــا ,, بالنهايه اقول الردود السلبيه دليل انكم افضل فريق عربي لافضل فرقه بالعالـــم ,, أنتـوا ســـوجــو وينقز << هالاسم لحاله فخــر لكم ,,, فايتينغ

    ردحذف
  8. suju wings مدونة لن تتكرر
    انا متابعتكم من اول مافتحتوا هالمدونه
    وماشفت منكم الا كل خير واللي يسبون يمكن غيره
    منكم لأنكم وبأختصار افضل مدونه عربيه
    فاايتينغ سوجو وينقز

    ردحذف
  9. تغريد اوني إنتي إنساانه عظيمه عندك قوة إراده ثقتك بنفسك و إستمرارك بالشيء الي بديتي فيه رغم التعب والتجريح شيء مؤثر جدا..سوجو وينقز بكل أعضاءها لما اشوف انه كيف انتوا تعطوا بكل ماعندكم كيف تعاونكم وصبركم كبف تحاولوا توصلوا صوتنا حنا الإلف العربي"النائم اللاهي بالمضاربات وغيره" لكن لا جاءالوقت الي السوجو يحتاجوننا ماشفناهم!!
    يعني بجد أذهلتوني لاني عااااااارفه ان الشغل جدا جدا صعب كان بإمكانكم تقرأؤ الاخبار بالانجليزي و تشوفوا البرامج بالانجليزي وماتعبون نفسكم وتكلفون على عمركم وتترجموا لكن رغم ذلك افتتحتوا مدونه وبذلتوا جهد كبير عليها والان تستعدون لفتح الموقع وراح يكون الجهد اكبر واكبر لما تسؤون كل هذي الاشياء ماادري ليش احس إنا مانستاهل هذي الاشياء كإلف عربي متكاسل طبعا مو الكل لكن الأغلب للأسف:(

    جد جد أحترمكم و أحبكم كثييير وزي ماارضى على السوجو ماارضى عليكم وانا اشوف إن مالاحد حق ينتقدكم كفايه الشي الي تسوونه و ماإنتوا ملزومين!

    كمان إنتوا علمتوني اشياء كثيره ودائم احاول اتعلم من تجاربكم الشخصيه والاشياء الي تسوونها اتمنى بيوم اوصل للي وصلتوه من ان اني اصبح محبوبه لكثير من الناس+اصير قدوه لغيري+وإنهم يتعلموا مني الاشياء الكويسه=)

    تغريد اوني اشواق اوني وبيشو وتوما وشيماء وكل الفريق منجد احبكككم و أقدركم و أحترمكم واتمنى لكم التوفيق دوما..و أوعدكم راح أبذل جهدي كإلف عربيه وكقطره من هذا المحيط^^<<<ايقووو طولت بالكلام=")!!

    ردحذف
  10. مدونة سوجو وينقز . انام اصحى اروح اجي دايم فاتحتها 24ساعه وكلمة شكرا ابد ما توفي بحقكم واما ماعمري شط غلط منكم او تقصير بشي قسم من دونكم مأظن راح نعرف شي عن اخبار السوجو وأتمنى الكل بعد كلامك يصحى وحنا بدينا إجازة الحج والكل أغلبه فاضي وياليت يشاركو بمشاريع المدونه بالعكس مافيها اي صعوبه حبيباتي انشالله توفقون دنيا واخره ويارب ادعيلكم من كل قلبي تقابلون السوجو اللي حبيتوهم من كل قلبكم وتقدرون تقولون لهم عن اللي بقلوبكم طبعا انا معكم كككككككككك ^^

    ردحذف
  11. كل كلامك على العين والراس وكله صحيح وابدا ما غلطتي بشيء
    انا راح اتكلم عن نفسي , ان شاء الله اتغير للاحسن وكل النقاط اللي قلتيها راح آخذها بعين الاعتبار
    وان شاء الله نتطور للاحسن ويكون للالف العربي اسم بين الفانكلوبات الثانيه
    شككككرا من كل قلبي على مجهودك ومجهود الاعظاء وانا مقدره كل التعب اللي تتعبوه
    فااايتيينغ

    soomi

    ردحذف
  12. مدري وش أقول بالضبط ،
    بس جد هالتدوينه تفرح .. ابدا مو عالوضع اللي عرفته منها وكان مخفي عني ،
    فرحت لانك طلعتي اللي بقلبك أول وهذا اهم شي ،
    ثاني شي تمنيت جد انها تأثر ولو بـ10% من اللي يقرونها ،
    انا اقسم بالله لولا أوضاعي كان كنت واقفه معاكم بكل خطوه ،
    على الرغم من الضغط اللي انا فيه والوقت اللي يالله القاه اذا لقيته ما افكر باي شي الا هالمدونة .. على طول افتحها واشيك على عناوين التدوينات والأهم من المهم أقراه
    يعني بالعربي مدري وش باسوي لو هالمدونه اختفت !
    جهودكم المبذوله فيها مافيه كلمه ببالي اقدر اقولها عشان توصفها .. هي كلمه وحده طالعه من كل قلبي ( مشكورين ) أكررها لمرات لاتعد ولاتحصى وماراح احس اني وفيتكم حقكم .. يكفي انكم ماخذين الكثيير من وقتكم وحياتكم الاجتماعيه وصحتكم ووو ... هالشي بحد ذاته وش ماكان السبب يستاهل الشكر وأكثر ..
    وبالنسبه مننا كعرب فعلا اكتشفت هالعيب فينا ميب اول ولا ثاني ولا ثالث مره ، كل من يتعامل معاهم يشتكي من هالشي ، كنت اتمنى قبل لاكل وحده مننا تفكر بسمعتها ولا من أي فان كلوب هي أو اي شي تفكر وش دينها .. أولا !! وثانيا هي تمثل مين ؟ تمثل المسلمين اولا والعرب ثانيا واللي اصطفاهم الله من بين كل الشعوب .. جد أخلاق أقل مايقال عنها صدمه ! المفروض نكون القدوه نكون حافز لغيرنا يتبع ديننا نجعل لنا مكانه فالمجتمع مايكفي السمعه اللي رايحه فيها ! كل مالهم يزيدونها أكثر !
    أتمنى لكم التوفييق أولا ، والهدايه للغير ثانيا :)

    كلمه اخيره مع انها انتشرت ومصلت الا انها تعني لي الكثير ( Fighting ) أتمنى توصل لكم مثل ماطلعت من قلبي :)

    ردحذف
  13. كم مرة اقولكم ارتاحوا؟؟
    تعبت وانا اقولكم انتوا بششششر
    بنفسهم الاجانب يأخرون التغطيات والاخبار لبعد مايصحوا..
    واللي جاكم من طرفهم كلام
    مع اني مستغربة وجود انتقاد لكم
    او سلبيات
    اسمحولي العرب متذمرييين
    كل شيء ينتقدوه وإتكاليين
    مايبغوا يصوتوا لان بنظرهم في غيرهم يصووت
    مايبغوا يشاركوا
    مايبغوا يرفعوا ترند
    بس البرامج والتغطيات يبغوها توصلهم بسرعة

    العام ماتحرك الالف الا لمن سويتوا إضراب
    وقتها حسوا بتعبكم
    وحسينا كلنا إننا ضايعين من غيركم
    ليش دايما نحنا مانحس بقيمة الشخص والشيء الا لمن نفقده؟

    ترى انتوا كفيتوا ووفيتوا
    ومو مقصرين بشيء

    ردحذف

  14. فريق مدونة سوجو وينقز... كلمات الشكر لاتوفي حقكم ، أنتم المدونة رقم واحد بالنسبة لي^^
    جد انا لاحظت مثل الكثير من البنات لاحظ أنكم المدونة الكاملة ، موجايه أتكلم عن الشئ لانه معروف للجميع
    والدليل المكانة اللي وصلتوا لها .. جد معك حق بكل كلمة قولتيها
    .، أزعل لما أشوف كثير ألف عرب
    لكن شاطرين بس بالكلام مجهود مافي ،
    صحيح في بنات ماأنكر جهودهم يشكرون عليه لكن قليل ،
    حابه أعتذر لسوجو وينقز .. لكل تقصير منا
    مدونة سوجو وينقز .. أتمنى لكم التوفيق ^^
    Fro0oh_

    ردحذف
  15. سوجو ونيجز اتن كان تقصير فهو منا و ليس منكم
    لا اصدق ان مثلكم فيه اشخاص انتيز و الالف لا اصدق لا يمكن انا متاكده انهم لي يقفون ضدكم لا يستطعون تحمل يوم مما تحملتوه اوني انا حقا احبكم و سعيده و فخوره جدااااااا بوجودكم
    انتم الامل حقا لا استطيع ان اتخيل يومي بدون سوجو وينجز حتى لما سافرت شهر عدت و انا مطمئنة ان كل اخبار سوبر جنيور و كل لي فاتني موجود هنا اوني لا تهتمي بالانتيز انتي تعرفي ان الانتيز لا يكونون الا في الفرق الكبير من الغيره و الحسد نحن دائما معكم و ندعمكم حقا انتم الرقم واحد سنكون دائما بقربكم و بجانبكم و اسفه حقا حقا حقا عن تقصيري

    ردحذف
  16. كلامك يثلج الصدر
    صدق فيه الف ينرفز اعطااء انطباع عننا مرا شين :"(
    كلمه وحده واتمنى اللي يقراء رددي يخليها في ذهنه دايم
    خلونا الف يضرب فيه المثل
    خلو عنا سمعه زينه وخلو الشعوب تحبنا لدينا
    وبااخلاقنا وتذكرو انتم في كل مكان ماتمثلين نفسكم بس
    انتم تمثلون بيئتكم وتمثلون اهلكم وتمثلون دولتكم والاهم تمثلون " دينكم "
    حكمه راسخه في بالي واقتدي فيها من سنين
    " لاتحاول ان تكون مثاليآ فقط لاتكن ليس سيئآ وهذا يكفي "
    لاتخلو انفسكم سيئين وتعطو عن اللي حولكم انطباع سيء عنكم ولا تخلو الغضب يصيطر عليكم
    مثل مااصار بنتيجة ايما
    جد اتمنى اي وحده ماتطلع من ذا المووضوع الا وصارت عندها عزيمه انها تغير من نفسها
    شكرا شكرا شكرا سوجو ونقز اخلاقكم العاليه و معاملتكم الرائعه الكل يشهد عليها
    جد افتخر فيكم واضرب فيكم المثل كل ماتكلمت عن الالف
    كلمة شكرا ماتوفيكم

    ردحذف
  17. suju wings بصراحه انتوا افضل مدونة حتى تجاوزتوا حد الافضل
    ومقدريــن تعبكـم وعارفين قد ايش بتتعبوا ^^
    ولو على اللي يبربروا اتبعوا مبدأ التطنيش ههـ اصلاً انتوا احترفتوا فيه
    صحيح البعض ما عندهم غير النقد وهما فئه ينرفزوا قسم لو انا مكان وحده فيكم مستحيل اتحمـل
    تستاهلوا شكر وتقدير على تحمل ها الفئه يا ليت نقد بناء "تصغير واحتقار"
    اتمنى بعد هاالنقاش يتغيـر شـــي ...
    الف احنا الافضل ي ليت مو بس بالكلام ونقدر نثبت ها الشي بالواقع خصوصاًالالف العربي كفاية مشاكل كفاية نكره بقية الفانكلوبات فينا
    والفئه اللي بس خاقيين على اشكال السوجو لايشاركوافي التصويتات ولاالمشاريع لا تسموانفسكم الف
    لان ها المسمى مسؤليه
    وووو اللي زعلانين على التأهل مازال هان جزء من السوجو و ح نصوت لهان بنفس الحماس اللي كنا نصوت فيه للسوجو وعندنا تصويتات وجوائز مهمه محد يتكل ولا احد يضمن الفوز و خلينا نسوي جهدنا في التصويتات الجايه فايتنق
    تغريد انتي عاد صار عندك قوة تحمل لا محدوده بس اذا احتجتي فضفضه موجووودين وح نسمعك الالف عائله اكيد ^ــــ^
    فايتنق سوجو وينقز الافضل دائماً ق1



    ردحذف
  18. انا معاك بكل كلمة
    تكلمتي عن مواضيع كثيره من جد الله يعطيك العافيه
    ادعم كل فكرة طرحتيها خصوصا الاخلاق اللي لابد نلتزم فيها ونمثل نفسنا كـ الف عربي احسن تمثيل
    كفاايه هواش ومضاربات , احنا فانز فرقة اسطوريه لازم نكون فانز ما يتكرر ولا له شبيه

    شكرا لك تغريد انتي تتعبي على المدونه لكن مثل ماقلتي تعبكم وصلكم للمرتبه الاولى كـ مدونه الالف العربي وهذا شيء لازم نحافظ عليه مع فريقك حب1
    فايتنق

    ردحذف
  19. صراحه ليس لي الحق بعد هذا الكلام فهنا كل شي وضح وضووح الشمس فإن كآن في شي قد تضلل ع هذه الفائات اعتقد بأنه الان ق وضح جيدا لهم فلم يعد لهم الحق ان يعودوا لما كانوا يمارسونه من سب وتواكل وتعاجز , نحن رضينا ان نكون الف فعلينا ان نكون الف بحق نحن رضينا انا نرفع للسوبر جونيور رؤوسهم فكونوا عند حسن ظنهم والله ماتزيدكم تصرفاتكم هذه الا استسغار واستحقار من الفان كلوبات الاخرى انا هنا اناقش ساده ملوك اسطوره مخضرمين كبار ^^ كونوا كمآ يريدون سوبر جونيور فقط ليس كمآ تريدين انت لانك الف وهذه كلمة كبيره "الف", مييآنيه آونيآتي وكمسآهميدآ ع كل خطوه تخطونها كمل ان تعملوآ بهاوان شآء الله تعبكم مايروح هبآء ويحسوا فينا سوبرنا :"$ ميآنييه اني مقصره سوف اقدم افضل مالدي, فايتيينغ ♥

    ردحذف
  20. تغريد اوني .. حابه اقولك الله يسامحك لاني كل مره اشوف كلامك او اي شي من تصريحاتك او عتابك على الالف احتقر نفسي لاني ماسويت الي سويتيه للالف العربي ولا حتى ربعه.. بجد بجد كثييير اتمنى اساعد بس عشان اخفف عليكم الضغط بس المشكله اني لسه مو مؤهله اخاف اتحمس واورطكم بدل مااساعدكم ..دااااائما ادعيلك انتي وباقي الفريق ان ربي يبارك لكم في صحتكم ووقتكم لانها اكثر شي راح يتضرر من ورا الشغل الكثير ... والله ماالومك يوم تعصبي لاكن مااقول الا الله يصلح حالنا ونقدر نتحد ونصير فانز محترم يعرف حقوقه وواجباته .. دمتي لنا اجمل اوني ^_^ تشوماااال كومااواا

    ردحذف
  21. صراحه ليس لي الحق بعد هذا الكلام فهنا كل شي وضح وضووح الشمس فإن كآن في شي قد تضلل ع هذه الفائات اعتقد بأنه الان ق وضح جيدا لهم فلم يعد لهم الحق ان يعودوا لما كانوا يمارسونه من سب وتواكل وتعاجز , نحن رضينا ان نكون الف فعلينا ان نكون الف بحق نحن رضينا انا نرفع للسوبر جونيور رؤوسهم فكونوا عند حسن ظنهم والله ماتزيدكم تصرفاتكم هذه الا استسغار واستحقار من الفان كلوبات الاخرى انا هنا اناقش ساده ملوك اسطوره مخضرمين كبار ^^ كونوا كمآ يريدون سوبر جونيور فقط ليس كمآ تريدين انت لانك الف وهذه كلمة كبيره "الف", مييآنيه آونيآتي وكمسآهميدآ ع كل خطوه تخطونها كمل ان تعملوآ بهاوان شآء الله تعبكم مايروح هبآء ويحسوا فينا سوبرنا :"$ ميآنييه اني مقصره سوف اقدم افضل مالدي, فايتيينغ ♥

    ردحذف
  22. &_& ليدر فخري الغالية وربي انامعك بكل كلمة اصلاً مالقيتني اعارضك
    باي كلمة قلتيها لان معظمها بعقلي واتمنى توصلي لهدفك
    جدياً,انا اول ماصرت ايلف وكنت اشوف الاخبار وكثرت المدونات كنت دائما
    اتمنى لو يجمعوا جهودهم مع بعض ليش لحتى كل وحدة فاتحة مدونة وتشتغل
    وحدها وبعد فترة تبدأ تطلب عضوات معها يدونون ويترجمون رغم انها
    تقدر تنضم لفريق وتوحد جهودها , انا مااشوف هذا الا لانها تريد
    تصنع لمدونتها اسم وشهرة وانا مااقول اني الومها والا شي ومن حقها
    لكن لو تريد تلقى لمشاكلها حل يعني من رأي تنضم لفريق حتى تحل هالمشاكل ^^
    لهذا لما اعلنتي افتتاح موقع جدا فرحت ولحد هذي اللحظة وانا انتظره على احر من الجمر
    واتمنى لو كل مدونات الايلف العربي تتعاون معك ,,
    ~
    بالنسبة للمشاريع والله معرف شقول لك (ادري راح تقولين ها بدأت الاعذار T_T )
    لكن انا حالتي غير مو المسألة مسألة اهلي مايقبلوا اصرف فلوسي ع السوجو او شي
    لا اصلا انا لي مطلق الحرية بفلوسي طبعا بالحدود هع لكن المشكلة
    اني من العراق والعراق مافيه الـ credit card كل واحد يعتبر بنك نفسه
    لهذا مقدر اشارك بمشاريع التبرع والامور اللي تخص الارسال وكذا T_T
    اما مشروع الهارت لا ان شاء الله اشارك بيه لكن لان ماكان لي وقت اسوي
    وبعد ماقلتي تمدد الموعد ان شاء الله اشارك ^.^
    لي مقدرة بس اشارك بامور كتابة الرسائل للسوجو شاركت فيها T_T
    ~
    بالنسبة لفئات الايلف انا ماراح اعارضك شفت وكنت موجودة بالجهتين يوم
    سووا لك انقلاب << SPY =)) ههههههـ
    هم زودوها يوم سووكي مامهتمة بالتصويت ومدري ايش يعني حتى الواحد لو يريد يعقلها
    مدونة بحالها تشتغل هالشغل هذا وهالتعب تطنش اهم تصويت؟!!
    ثم اللي كانوا يتابعوا الاخت لما عرفت عن نفسها كانوا يصوتوا اذا كانوا مثل حالتي
    اولاً لاني كنت من المؤيدين اني اتعرف عليكم وثانياً هي ماقالت ولاجبرت احد يجي يتابعها
    ولاكانت تلعب ... تمنيت الناس اللي تصرفت هالتصرف وكانت مراعية للتصويت
    تكون مراعية لغيرها بعد .. الحمدلله انتِ والاخت صاحبة حساب التصويت اثبتوا اخلاقكم
    وانكم ماتنزلوا لمستوى تناقشوا احد ع شي مااخطئتوا فيه ^^ فوديتكم
    وثالثاً هي ماتكلمت كثير اصلاً تسأل سؤال واللي حاب يجاوب يجاوب وبعد فترة تحط سؤال
    يعني حتى ماشغلتنا عن التصويت لانها مو العاب <
    والقصة اللي صارت معك $_$ رفعتي راسنا,ياريت الكل يكونوا مثلك
    ربي يهديها للاسلام ^.^
    ~
    احم احم ختاماً بعد كل هالثرثرة كيكي
    اشكرك اختي تغريد والاخت اشواق وكل اللي في سوجو وينقز <3
    ادري كلمة "شكراً" قليلة بحقكم جدا ميانهي ..>.<
    اشوف مستقبلي ايش يكون واقرر اذا قدرت انضم لكم او لا ^.^
    الى الامام سوجو وينقز .. فعلاً انتوا فريدين من نوعكم XD

    ردحذف
  23. كلامك كفى و وفى ..

    فيه ناس تظن انو الأدمنز الات مالهم حياة او مشاغل مثلهم !!

    و بالنسبه للي مو معجبه فكرة الأستضافه بالطقاق لا عمرها تعجبه

    انا شايفه انها فكرة حلوه نتعرف على الأشخاص الي ورا كل هالمجهود ق1

    " مازلت احب هذا المحيط الازرق رغم عيوبه لاني اعتبر نفسي قطره من قطراته فارجوكم كل الرجاء تكاتفو فنحن نستطيع صنع المستحيل " << لامك جميييل جداً

    فايتينغ ^^

    ردحذف
  24. أزال المؤلف هذا التعليق.

    ردحذف
  25. كلامك واضح ان طالع من قلب والضغط اللي عليكم ولد هالانفجار وبصراحه ماالومكم لأني أشوف تعليقات وكلام بعض الالف عليكم واتنرفز كثير مع ان مالي دخل بس جديا أهنيكم على صبركم بس ارجع اقول إحنا مالنا غنا عنكم وشفت كيف حالة الالف لما سويتوا مقاطعه وتوقفت المدونه كم يوم عرفت ان الالف العربي مايسوى شي بدونكم ><"
    شي ثاني اللي هو المشاركة بالمشاريع أنا اعترف أني ماقدر أشارك بالمشاريع اللي تطلب تحويل مالي بسبب ان ماعندي حساب خاص للأسف لكن انحلت مشكلتي وراح افتح حسابي قريب وبكون اول المشاركين ><" أشوف كثير مدونات اجنبيه وكيف يحترمون ليدرهم وكيف أسلوبهم معاها شي مختلف تماماً عن اللي نشوفه هنا للأسف ><" لكن نتمنى الحال يتحسن للأفضل وانا معك في ان الموقع مايفتح هالوقت وضع الالف أبدا ما يطمن ،، اخر شي بقوله أني اتمنى من كل قلبي انضم لفريق كم واقدم لكم لو شي بسيط أرسلت طلب انضمام ايام ماكنتوا محتاجين مترجمات وصلني رد ان فيه اختبار تحديد مستوى بس للان ماشفت شي ><" اذا للحين باب الانضمام مفتوح ياليت تبلغيني وارجع ارسل مره ثانيه ^^
    كلمت شكرًا ماتوفيكم حقكم لكن تأكدوا مثل مافي الف مايقدرون شغلكم في الف مايقدرون يعيشون من غير ما يفتحون مدونتكم كل يوم وانا اولهم ،، ^^

    ردحذف
  26. الكل انتي والي رد وفى وفي كلام كثثير ودي اقوله بس الاغلب تكلم عنه ..
    جدا جدا انتمى اني مو الف عربي صراحه واقولها بصريحه العباره مااقول في فئة زيكم وكثير من الالف يرفعون رأس الالف العربي بس الفئة الهمجيه احيانا توصل اني ابكي مقهورة من حالنا جدا
    واعترف انا اتكالييين جدا جدا ومانبغى الا كل شئ جاهز واعترف اني مااشارك بالمشاريع ونادرا اصلا تواجدي بالشهور الاخيره سواء تويتر دونه تصويت حتى اخبار السوجو بس انا الفيه للصميم واكره نفسي اني ماسويت ولو 1% من جهودكم ....
    اما يوم الانقلاب علييك جدا استحقرت هالناس التويتر جدا وناس اعرفها انصدمت فيها ليييه انتم بعد تبغون تتعرفون علينا زي مااحنا نتعرف على مجموعة كبييرة من الالف
    موضوع التصويت لازم بكل سنة تجينى قرصة أذن عشان نتتمسك بالتصويت الثاني اقولها الححين ابدا ابدا مو متفائله ان ف حماس للتصويت الماما والقولدن ويكفي كلامكم عن الفئة المعارضه المؤيده لفوز هان
    بس في شغله باقولها وياليت تعمومها للكل او الي يقرأ كلامي بالواتس عندنا قروب كلنا الفيات من كل مكان طبعا سعوديات وعندنا بنت متمكنه تعرف الف صيني كوري تايوني المهم سألت صدقتها الصينه عن التصويت الايما انصدمنا كلنا وحقدت عليهم قالت انهم يحبون السوجو كثير بس صوتوا لهان كلهم وحتى الماما بهونغ كونغ متفقين الظاهر ماراح يظهرون دعم ابدا رغم حبهم للسوجو وهي قالت انها تحب السوجو للصميم عاد ليش سووا كذا ويش السبب ماادري ولاتناقشوا اكثر بس جد انقهرت القوة الاساسيه لالف بالصين والحين اشوف تخلووا ياليت نوحد صفوفنا قبل بداية تصويت الماما والقودن...
    نقظه ثانية باقولها الاغلب مايصوت انه ذنب و1نوب ونزيد السوجو اوكي معكم بذي النقظه بس احنا ماندعمهم لزياده ذنوبهم نبي نثبت نجاحهم وماحد يدري يمكن نتيجه دعمنا واقولها لو بس نصير يد وحده راح نكون اقوى من الالف الصيني لاننا عندنا اصرار رغم كسلنا يمكن يصير هدايه لهم ماح يدري.......
    وعلى فكرة انتي تغريد واشواق وكل الفريق جدا كلمة شكر بكل كلمات العالم ماتوفيكم واحترمكم جدا وجدا ائسف على حالكم لان تفكيرنا احنا العرب جدا همجي نادرا تلقون كلمة شكر لجهودكم
    ودي انظم لفرييقكم بس لااعرف لاي شئ مبتدئة بالفوتوشوب وايضا للترجمه للاسف وبعد كم شهر يبدأ دوامي ولاعندي ثقة اكثر من مره افكر انظم اعمل اعمال بسيطة حذف ردود اجابه بالاسك تدوين الاخبار باالتويتر بس جدا اخاف اعطيكم كلمة ومااكون ثقة احيانا ينقطع النت انشغل احيانا كثيره............
    ان شاء الله باحاول اغير بنفسي اكون اكثر داعم لكم وايضا المشاريع وجدا متحمسه للموقع وبحماس بعد
    واحسن اسويته تكلمتي جدا تاثرت لدرجه بابكي وياليت يأثر ويكون قد اللكمة تغير الكل ...
    جدا مشكورررييين قد الدنيا وقد عدد الالف

    ردحذف
  27. تغريد فديتك وفديت امن جابتك حبيبتي ربي يوفقك وكل عضوات المدونه وانشاءالله كلامك يكون دافع لي وكل الالفيات عشان نكون يد وحده

    ردحذف
  28. السلام عليكم ورحمة الله وبركاته..
    اولا كلام دمعت عيوني منه والله احلف لكم اني بكيت لان نبهتوني على اشياء المفروض كل الالف العربي يسويها
    وزي ماقالت خاصة الالف اللى عندة قدرة..
    انا من قبل سنة وكل مشاريعكم ابي اشارك فيها واخر واحد مشروع ميلاد دونغهي.. لكن اهلي..!!!!!!!
    مدري أش اقول الله يهديهم يارب ويحققون امنيتي الوحيدة اني اشارك شي للسوبر جونيور عن طريق سوجو وينقز
    انا من جد إنقهر واحيانا توصل درجة البكاء لمن اشوف مشاريع تجنن من عندكم واللي يقدر يشارك مايشارك..! طيب ليه أش ناقصك.!!!/:
    مو انتي تعتبري نفسك ألف.. اذن خلاص شاركي تشيبالل..
    كلامي باختصار تكفووووووون اللي تقدر تشارك تشارك قبل تندم وتحس بالناس اللي عندهم طاقه ومواهب لكن مقتوله بسبب اهاليهم..
    كلمة اخيرة.. [ شكرا اوني.. فريق سوجو وينقز.. ]
    ♡♡ELF WE ARE ONE.. - I HOPE..!

    ردحذف
  29. انا اسفه واعتذر من كل حواسي ع كل الم تعانوه من كف أيديكم الى اقصى تفكيركم الى
    ظهوركم المسنوده دومااا الى منع انفسكم من الخروج للترفيه الى كل كل جهودكم
    لست املك اي وجه اقابلكم فيه كاألف .....ولن اعدد محاسني القليله كاألف ايضا
    حتى انني خجوله من كلمات الشكرر لانها لان تفي باأقل اقل ماتبذلونه اعتذر اعتذر جدا جدا جدا.....

    ردحذف
  30. انا راح اتكلم عن الانقلاب يالي صار يوم تكلمت مها مع الفانز
    ونفس الشي لما طلعت نتائج التصويت
    المشكله تجيك واحده يعني انو هي الوحيده الالف وتهايط وهي اصلا ماتترك
    فرصه انو تتحترميها او تتناقشي معها
    ونفس الموضوع حصل يوم النتائج
    جالسه تسفل بالالف وانتو وانتو
    وزعلتوا السوجو وكذا
    وبالاخر اليوم اكتشفت انها ماصوتت غير الساعات الاخيره
    باي حق انت اصلا تتكلمي


    والسبب اغلب الظن
    أنو غيرتهم من هالفريق الناحج
    حتي لاحظت من فتره انو يدخلوا المدونه
    وبس يترقون ع رورد البنات ع الاخبار
    وشوهالكلام وصغر العقل
    متعب اذا حاولتوا تغيرونهم

    شكرا شكرا من قلبي لكم

    ردحذف
  31. الظرب في الميت حرام :)

    مهما قلتو و عدتو ما بيحسون على دمهم .. فعلا الفئه العربيه المخجله هذي م اعرف متى بتستحي على دمها وتصحى ..

    سوجو وينقز م قصرتو ويبقى كلامهم دليل نجاحكم

    ردحذف
  32. آححسن مدونه .. آححسن فريق ..
    اللي مو عاجبته المدونه يدور غيرهها و بعدين المدونات بشر ! يتعبون وكمان عندهم ظروف ..+ آحمدو ربكم .. هم مّ يشتغلون عندككم ! .. مّ في فآن كلوب عربي عنده مدونه زي كذآ غير ELF سوجو وينقز نبح الكلاب مّ يوصل السماء << آتوقع كذا هع .. المهم طنشوهم الآغبياء ذولآ آنتم الافضل ... والله آفتخخر فيككم <333

    ردحذف
  33. ماعليك من احد انااعشقكم لا ماتنم كان ماعرفنا شي عن سوبر جونيور
    انت مالمدونه الوحيده الي اهتم فيههااا جد الافضل والفئه الي قلتي عنها للاسف متوجد بشكل موطبيعي لكن ابشرك في الالف صح واحنا عرفيني الضروف االي تمرون فيها بس وربي مابيدنا شي واحنا معكم وعلى فكره الردود السبب تر دول مو االالف لنهم دخلين بس عشان يسبون ولعى فكره سالفة التصويت في نااااااااس كثير سببو هانكيونغ يوم فاائز ليه وش ذنبه مع العلم انو تقريبا كل الالف العربي صوتو لي سوبر جونيور بالاخير يجون بنات كيبوبيات ويتكلمون عن الالف انو احنا خسرنا السوجو جد جد وربي بنات الفيات من زماان يوم اتكلم عها تقول انا احب واحد من السوجو مو كلهم ليه اصوت له وربي يومها قعدة ابكي منتديات مالقت والا الالف من قلب احط موضوع عن التصويت مااحد يهتم االالف العرب للاسف قليل جدا جدا جدا اغلبهم يحبون واحد بس وذي ماتسمي نفسها ELF واكثر شي قهرني يوم كثير الفيات سبوو هان حتى انو في ككببوبيات قعدو يضحكوون علينا انتم الافضل لا يهمكم وربي كل يوم انتضر تحديثاتكم من دونكم مستحيل نعرف عن السوجو شي اتمنى انا جد ELF من قلب شكره sujuwings انتم اللا فضل وسادعمكم والله يوفقكم
    فااااااااااااااااااااااايتنغ

    ردحذف
  34. اختي ماعليك منهم انتو افضل مدونه ويقلون الي مايطول العنب يقول حامض
    suju wings فايتينغ الله يوفقكم

    ردحذف
  35. من جد الله يعينكم انتو نقطة تواصل بيننا وبين السوجو .. خليني اقول اللي عندي بس
    الالف العربي للاسف كثير منهم تلاقيهم اسم بسس بتويتر كل وحده جنبها ELF بس عشان الفلورز والكشخه ولاوجودهم زي عدمهم انا قفلت حسابي بتويتر بعد الحركات هاذي ماتعرف اقل شي غير انا احب السوجو وانا انجل اي انجل يرحم اهلك وانتي ماتفهمي شي وتعالي عند المشاكل تلاقيهم اول ناس باهرجة مااسمحلك تغلطي ع السوجو وهيا حتى فول هاوس ماتعرفو ..اللي صار يوم 14 واضح الالف الحقيقي والالف الكشخه بس .. الخاين اكرهو ليه حبيبتي هوا اللي قال فوزوني انا كمان زعلت وانقهرت و كتبت وعصبت بس فين بحسابي الانجليزي وكلهم اجانب مع انهم الف وزعلانين بس شوفي طريقتهم غير هدوني بكلامهم واسلوبهم انا مقتنعه انو السوجو 13 بس الصدمة وقتها صعبه ع الكل بس الالف العربي قلبها هوشة وانا ليا سنة بحسابي الثاني ماشوفت هوشة الف مع اي فان كلوب عشان اشوفها بينهم .. الموضوع بسيط اللي تعتبر انو هان مو من السوجو احنا و السوجو ماحيعتبروها من ELF الشي معروف من اول ماطلعت مشاكل انهم مستمرين 13 مهمها كان وهان لو سنتين طلع منفرد ولا قد غلط ع الاعضاء ولا علينا بعكس فرق كثيره انفصلت هذا دليل قوي ع الصداقة اللي تجمعهم و الايام ماتهون الا ع ابن الحرام ..دعمو كيبوم ودعمو هان رغم انهم متضررين من اللي صار بس صداقتهم فوق كل شي ومايجو اشباه ELF يتكلمو ويقول مين الخاين كيف يجيكم قلب تتكلمو ع واحد من 13 بكلمة غلط انا انجل بس اعشقهم كلهم ومستحيل اغلط عليهم حتى بين نفسي اشباه ELFكثرو للاسسف االفان كلوب الوحيد اللي يعرفو الاولاد احنا وهاذا يخليه نص البنات يكشخون فيه جنب اسمهم هما ماعرفو الا من قوتنا واخلاقنا مو من قلة الادب والمشاكل ..انا قفلت حسابي بعد ماشوفت بنات يجيو يسوو مشاكل وبكل فجر تيجي تقول انا سكتهم لا حبيبتي انتي سوي اللي عليك من غير كلام ومشاكل عمر الاعضاء ماتعاملو مع مشاكلهم بالكلام واكبر دليل لما راحت علينا ايما كلهم حدثو عاادي و تيكي طلع بطريقتهم كانهم يطمنونا ..كلامي ملخبط و طويل وانا اسفة بس جد مقهوره من اللي يصير بتويتر وهما ابعد مايكون انهم ELF حدهم مسلسلات تركية ..
    طبعا اشكركم ع مجهودك المتعوب عليه .. انا اكثر من مرا ارسلتلكم من ايميلات مختلفة عشان اكون بالفريق بس للاسف مااكان فيه رد وتوقعت انكم مكتفين ..اتمنى ماتتعبو نفسسكم اكثر من الازم و تهتمو للاراء الناس .. اللي يمليه عليكم قلبكم سووه بس ..كثير ناس مايمله عينهم الا التراب ..
    وبالنسبة للحساب لو يكون حساب خاص بالفريق وكل وقت تتكلم وحده حلو وحساب خاص بالاخبار هاذا اذا كان ودكم ترضو الناس ..**

    ردحذف
  36. كلمه وحده فقط -------> فايتننننننننننننننننننننننننج
    بنات احنا معكم لايهمك احد فايتنج (*^^*)❤❤

    ردحذف
  37. انا معك بكل كلمه قولتيها وكويس انك اتكلمتي معانا لازم نعرف حال اللي بيساعدونا عشان الكل يقدر تعبهم انتم الافضل ودوما داعمه ليكم ومن حلمي اننا كعرب الف نجمع كلنا تحت اسم واحد وعشان كده انا فرحانه بالموقع وفرحانه انك كلمتي مدونات تانيه وبتجمي الالف كله في مكان واحد لان الجميع يبذل جهود لكن لانها ليت موحده ليس لها قيمه وارجو انك ما تعتبري كلام البنات اللي يعكروا مزاجك انه عيوب الالف لا تصحيح دي عيوب الاشخاص نفسها المحيط الازرق كل الف مثل ما قاتي قطره من قطراته اذا خلفت التيار لا يكون عيب في المحيط بل عيب بها
    فاااااااايتنج

    ردحذف
  38. معاك حق بكل كلمة قلتيها ...
    مع الاسف البعض ما يقدر الجهود اللي تبذلوها لهم ..
    انا كمديرة مدونة سابقة لأحد الفرقات كنا نتعرض للسب بسبب التأخير واحنا كلنا على بعضنا 3 بالمدونة والشغل كان كبير علينا وهم ما يقدرون هذا التعب والشغل
    االله يعيطكم العافية بجد تعبتوا وتنقلون لنا اخبار السوجو اول بأول وكأننا معاهم ونلاحقهم
    اما على موضوع الموقع .. اذا تحتاجون اي مساعدة ترا انا فاضية وما عندي شي مستعدة اساعد باللي اقدر عليه .. وكمان بعض الإلف مستعدين يساعدون ..

    بيآن <3

    ردحذف
  39. آتوقع آني آلف حقيقي $: لآن كل الأشيآء السيئه اللي قلتيهآ مآآنطبقت علي .. آوني آقدر من جدد جهودكمم ولكم دععمي الدآئمم $: فآيتينغ

    ردحذف
  40. تعبت وانا اقراا من قلب كلامك
    اسمعي من ناحيه موقعك
    فيه سخافه تحدث هذي الايام ؟؟
    كل بنت تفتح لها حساب ف التويتر وتجيب لها اخبار لعضو واحد من اعضا السوجو وسكتنا لاكن اليس ذالك بسخافه!!! والمشكله الاخبار اغلبها منكم يا ةننقزز

    الزبده اتمنى لو كل الفيه تحب اوباتها والسوجوو بدل ماتعب نفسها وتفتح لها حساب ومدونه خاصه فيها

    افضلها تتعاون معااك ياسوجو وينقززز :")

    ردحذف
  41. سوجو وينقز انتو احسن مدونه بالعالم والله يعطيكم العافيه على تعبكم ومجهودكم صدكيني انتو احلى فريق واحسن فريق والله لو مهما كتبت مرح اكدر اوصلك لاي درجه انااحترمكم واحبكم ولو بقيت طول عمري اشكركم مرح يكفي صدكوني انتو ما بتعرفو كم احنا بنحبكم انتو اصلا الالف الحقيقي وانتو اكثر ناس تتعب والله بفضلكم وصل اسم الالف العربي للسوجو وصارو يعرفونا بفضلكم وبفضل مجهودكم .. الله يخليكم النا يا رب وانشالله كل التوفيق لكم . ولا تهتمو بكلام بعض الناس هم مو الف هم ما بيحسو فينا خليهم يكولو الي يريدون يكولو رائيهم مو مهم ..والله يساعدك حبيبتي والله حسيت بمشاعرك وانتي عم تكتبي .. يلا اوني فايتينغ وشكرا على كل مجهودك انتي والفريق والله يحفضكم ويوفقكم انشالله ^ ^

    ردحذف
  42. اهاااااااااااااااا..انا لي بهذي المدونة تقريبا اكثر من شهر ونص..بعد ماغلقت شيماء مدونتها..وللان ماكنت عارفة كيف انشر تعليق ..اموت واعلق وماعرفت كيف..الان افتهم لي انكم مغلقين المدونة من خلال كلامك اخت توتو..فعلى العموم جت ليا الفرصة الان اعلق براحتي..كتبت سلام عشان اشوف بينكتب ولا لا..ههههههههههه

    ردحذف
  43. اولا : انا ضد انتظار الثقة عشان تفتحوا المدونة..افتحوها وخلاص وتوكلوا على الله..لاتستنوا للاخرين يقدروا التعب..انا والله اقهر لمن انزل فيديوز اشوفها واجيبها لخواتي وصاحباتهم يشوفوها ومو مستنية تقدير عشان انا مستنية التقدير بعدين مو الان..
    ثانيا : اتمنى ماتاخذوا ببالكم مسالة السب..هذي طبيعة احيان في بعض البشر .. ومو كل الناس زي بعض
    ثالثا : اتمنى تقدروا حكاية مهمة جدا..الاوهي عدم المعرفة..انا الف من سنتين ونفسي اسوي كل اللي طلبتوه في هذي المناقشة بس ماعرف كيف ..اتعلم شوية شوية رغم اني اعرف انجليزي واعرف اترجم واعرف اتصفح مواقع هااائلة وغيروا ..بس في امور تحتاج مني وقت عشان افهم عليها ( زي حكاية نشر تعليق في مدونةسوجو وينجز) احتاج الموضوع مني اكثر م شهر عشان اعرف كيف اعلق..وكمان انا دخلت المدونة من اكثر من ستة شهور وماقدرت استوعب شكلها ..
    توتو : انا فعلا مقدرة تعبك وزعلانة عشان التعب اللي ياخذ من راحتكم كلكم..يارب يعوضكم خير..
    انا الف بكل معنى الكلمة وهيثبت هذا اول باول .. كان عندي رد طويل على كل فقرة من فقرات موضوعك بس جيت اكتب هنا وماعرفت اعبر..سامحونا
    واشكركم من اعماق اعماااق قلبي

    ردحذف
  44. بالنسبه لفوز هان بالتصويت انا أشوف انه عادي جدا..عالأقل هو من عائلة سوبير جونيور صحيح مو من اعضائها الحاليين لكنه يظل من عائلتهم..
    واللي يقولون ليش هان فاز والسوجو مافازوا...طيب انتوا وينكم بوقت التصويت..إذا جاء تصويت واحتجنا لوحدة الإلف العربي..بعضهم يجي ويصوت وبعضهم من جمبها وبعضهم يقعد يشتت العالم والناس..وإذا خسروا السوجو يلقوا اللوم على غيرهم ويقولون ليش الفلانيين فازوا..الفلانيين فانزهم ماتركهم قام يصوت ويشتغل عشانهم..موب حنا بس جالسين نتهاوش على اشياء سخيفه..

    والله يوم قالت لي اختي سوبر جونيور مافازوا بالتصويت زعلت وتكدرت عشانهم يعني شي صعب لهم و بالنسبه لي كاألفيه..قلت لها شي يقهر انهم مافازوا طيب من اللي فاز..قالت هان اللي كان مع سوبر جونيور..صراحه فرحت يعني سوبير جونيور مافازوا لكن هان فاز ..لو اعرف مشاعر السوجو يمكن الأقيهم فرحانين عشان هان وخاصة ليتوك مو ليتوك يتمنى ان السوجو يرجعون بكامل اعضائهم ..

    ردحذف
  45. احب اولا اشكركم ع المدونه مع انس مو متابعه لها
    من زمان بس صار عاده افتحها كل يوم اشوف الجديد
    ماعلينا الناس الي تقول والناس كلها ع بعضها تحب الكلام الزايدتنتو واثقين من عمركم واحنا واثقين فيكم بس
    هاذا المطلوب ... الاشخاص الغير متعقله مايناخذ بكلامها ولابتصرفاتها ومن حقك تعصبي بس اتفق العرب ع الايتفقو

    ردحذف
  46. جد مقدرين تعبكم تدوين وترجمه تنسيق مشاريع رد على الاسئله والتعليقات واشيياء كثير يمكن حنا مانعرفها هذا غير حياتكم الشخصيه "( الله يعينكم ويصبركم على الفئات اللي ماتحترم ><
    انا متابعه للمدونة جدا بس مو كثير اعلق ببس فعلا اشكركم سريعين ومصادركم موثوقه وكل شي عن السوجو راح نلقاه هنا اما بالنسبه للي انقلبوا عليكم في حساب تويتر احب اقولهم المدونة ماراح تنتهي اذا ماتابعتوها وممكن يكون افضل :") , لان هذي طريقه اولا ترفهون فيها شوي من تعب الشغل وثانيا تتعرفون ع الالف ويتعرفون عليكم عشان فعلا نحس اننا عائله () , ماعرف اعبر اسفه بس جد نشكركم من اول اداريه فالفريق الى اصغر عضو مقدرين جهودكم والله يوفقكم ^^ ~

    ردحذف
  47. قسم بالله انصدمت :|

    يعني اللي كانت تسوي كل الشغل وقت كومباك السوجو كانت وحددده :| وااااو

    فريق جدا مميز , مبدع , متحملين المسؤولية بشكل كبير
    ما حسستونا انه فيه خلل في الفريق وقت الكومباك صراحةً

    اقدر مجهودكم وودي اصير معكم من الفريق قسم بالله بس اللي اعرفه انكم ما تقبلون اللي تحت 18 :(

    سوجو وينقز ..
    لو تدرون وش اقول للي حولي عنكم !
    خاصتاً اهلي ! يقولون لي يوم احول لكم فلوس " واثقه فيهم ؟ عارفه مين هم "
    على طول ارد (((( هذول سوجو ويننننققققز الفريق الرسمي لنا اثق فيهم اكثر من اي فريق ثاني ))))

    انتوا جد مافيه منكم وما عليكم من كلام بعض المتخلفات
    انا احب يوم تتكلمون معنا بتويتر احب اتعرف عليكم احب اشارككم كل شي

    وبالعكس هيبتكم موجوده اول ما اقول سوجو وينقز يجي شي بقلبي فخر فخر قسم بالله

    وبقول شي كمان
    قبل فتره وحده سألتني وش سوجو وينقز ذا ؟ قلت هذا الفريق الرسمي للإلف
    تدوينات 24/24 و اخبار اول ما تنزل بكوريا على طول تنزل لنا بالعربي
    شغل فاااااق الخيال

    جد انصدمت وعجبتوها مع انها مو إلف !!! فما بالكم بالإلف اللي يشوف كل شغلكم ؟؟
    اكيد بنفتخر فيكم داااااايم وبنساندكم ونكون معكم
    بس بخصوص التحويل والله ودي بس الحين عائلتي تمر بفتره ازمه شوي !!
    ف والله ثم والله ثم والله ان ودي اساعدكم بكل شي .. بس انا بالنهاية طالبه بالثانوي لسى !
    ما عندي مكافأه ولا عندي راتب كله من فلوس اهلي
    ف والله ما اقدر اطلبهم الحين :(

    انا اسفه سوجو وينقز :(


    سارانقهي اونياتي .. سارانقهي اوري ليدر ( تغريد )

    مافي منكم صدقوني
    فايتنق <3

    ردحذف
  48. اسفة اذا طلع مني أي تقصير حقاً اسفة وراح ادعمكم اونياتي
    فاتنيغ والله مقدرة تعبكم :)

    ردحذف
  49. ناا كثييييييير آآآسفه اذا طلع مني اي تقصيير او اي شي غلط اتمنى انكم تسامحووني
    والله ودي اتكلم وافش غلي بكل شي هههه بس احس اني ماا رحاستفييد شي...المهم الله يعطيييكم الف الف عاافيه واحنا والله نقدر جهووودكم وكل الي تسوونه على شان توصلوا لناا اخباار السووجو ..]عني من جد انتوا ماا قصرتوا سويتوا الي عليكوا وأأكثرر كماان
    المهم الله يعطيييكم العاافيه مليوون الف مررره
    فاااااااايتنغ يا احلى الفيااات بالكووون كلله ^__^ فديييتكم

    ردحذف
  50. أنا أسفه على كل شي كتبتيه وكل شي كان بقلبك ومضايقك لأنه اثر فيني وحسسني بكل جهودكم وتعبكم وانا حسيييييييت انو شي صعبببب جدا جدا

    ردحذف
  51. اصلا ماحسييت نفسي الف عربي الا يووم عرفة مدونة سوجو وينقزز (انتوو اللي طلعتوو الف العربي ) << بس ان شاءالله مفهومه ,, سوجو وينقزز .. فاااااااااااااايتنغ , سسارنقيهه T^T

    ردحذف

إرسال تعليق

مجرد تعليق منك ! يكون حافز لنا لتقديم الأفضل =)

المشاركات الشائعة