اتمام مشروع التبرع لسوريا

السلام عليكم 

كيف الحال؟!

طبعا الكل عارف عن مشروع التبرع للاجئين من سوريا وكان مدته اسبوع 

اليوم تم التحويل للاغاثه وهذا اثبات فقط من أجل المصداقيه 

هذي رسالة الموقع بعد اتمام عملية التبرع 

الترجمه 

" شكرا لك !

تم معالجة تبرعك بنجاح.

رمز الترخيص الخاص بك : 579440199

تم ارسال ايصال تبرعك على ايميلك.

كرمك سيساعد على تغيير حياة أشخاص من أفر الناس"

والرساله اللي جت على ايميلي

الترجمه 

"

شكرا لاختيارك التبرع المباشر.

تفاصيل تبرعك تظهر في الاسفل ربما تود طباعة الايصال من اجل مرجعك

syria_emergency_appeal: &#36;300<<قيمة التبرع 300دولار لانهم خصمو قيمة التحويل من الريال للدولار 

دعمكم يساعد على التخفيض من حدة الفقر والمعاناة لبعض الاشخاص الافقر في العالم.شكرا لك على لطفك وكرمك.

الاغاثه الاسلاميه قسم الانترنت

www.islamic-relief.com "

وبكذا يكون تم مشروع التبرع لسوريا وعندي بعض النقاط 

التبرع كان رائع كنا متوقعين في الحقيقه اقبال اكثر لان الاغلب رشح وقالوا سوو وزي كذا لكن التبرع من غير اللي في الفريق كان 3 بنات فيه بنات قالوا يبون وارسلنا لهم الحسابات لكن ماوصل شيء وفيه من خارج السعوديه لكن يمكن ما قدروا لكن الحمدلله تم على خير ومشكورين على المسانده 

لكن فيه نقطه كنت بقولها وما اقصد شيء وهالكلام مني انا يا بيشو وبقية الاداره مالهم دخل 

احنا كنا نبي من هذا مو رضا ناس ولا شيء نبي الاجر ورضا رب العالمين لكن لما يجونك ناس من نفسسس الشعب اللي انتي حاطه التبرع لهم يقولون ماله لزمه واللي يقول خليكم بالسوجو ومالكم بسوريا واللي يقول انتم مدونة للسوجو خلوكم محصورين فيهم بس والمواضيع اللي زي كذا اللي يبيها فيه ناس مسؤوله عنها يروحون لها انتم عن السوجو لا تشتتون انفسكم

لاحظوا اني قلللت من نفس الشعب اللي يقولونه من غير الشعب ما ركزت لانهم ما يدرون عن المعاناة لكن لما تقرون كلام زي كذا ما تتحطمون يعني اللي من لحمهم ودمهم ما فكروا لا تلومونا احنا وتتكلمون علينا وتسوون حملات ومدري وشو (قلت هالكلام عقب ما انتهى المشروع وتم عشان ما تقولون يصرفون ومدري وشو فيه بنات يفهمون الكلام مدري كيف صراحه) انتم تبون الاجر واحنا نبي الاجر وهذا اللي خلانا نسوي المشروع مع انه ما لاقى حقه منكم زي ماكنتم تدفونا عشان نسويه يعني يوم جا الحق بس3 من غير الفريق!!!! كنا ناوين نمدد لو لقينا حماس لكن يمكن يكون هو اقل مشروع جاه اقبال منكم !! 

فرجاءا اذا تبون نسوي مشاريع وتحمسونا ياليت تشاركون مو نتعب وندور وبالاخير يالله خلو البنات اذا ما انتم مكملين لا تتكلمون من البدايه رجاءا!!

وشكرا 

الاداره 

Beshoo20_ELF

Toto-ji-so

SHWAQ