هذا هو حالنا !!!! بعض النقاط المهمة

انيونغ هاسيو لجميع ELF و Fans SJ

بما اننا الفريق الرسمي حبينا نوضح امور من خبرتنا ومن كلام بعض ELF الاجنبي ( كوري , ياباني , ,,,, الخ ) .. ونوضح بعض الامور لمتابعينا الجدد اللي مايعرفو الهدف الاساسي من الفريق .. ( ترتيب الافكار بيكون على شكل نقاط ) ..

1- فكرتنا الاساسية من انشاء فريق رسمي كانت افتتاح موقع عربي رسمي زينا زي جميع إلف العالم .. والكثير مايعرف بهالموضوع لان للاسف مايطلعو على الاقسام الاساسيه بالمدونه ( قسم المهام - المشاريع ) .

2- لقينا ردة فعل سلبية ببداية انشاء الفريق كان من ناحية التفاعل وانضمام الاعضاء او تفاعل المتابعين للمدونة ولكن الحمدلله مع الايام قاعدين نكسب متابعين اكثر واكثر .. 

3- سبب تاخير افتتاح الموقع للان  : 

أ- كانت الفكرة ان كل دولة ولها مصممين يصممو مواقعهم فحبينا يكون التصميم من ابداع يد عربية .. ولكن !! 

اغلب المواقع العربية اما ماتصمم بوجود ميوزك او مواقع خاصة بالميوزك . 

ب- دورنا ع البديل واعلنا بالبداية عن اذا في إلف او فانز مصممين او يعرفو مصممين يعطونا العناوين وكان في تفاعل قليل ولكن غابو مع الايام وما نعرف عنهم خبر .. 

ج- دورنا على مصممين في مواقع الميوزك العربية كانت اسعارهم مهوله بطريقة خيالية وكان باين انهم مستغلين الحاجة .. 

د- بعض مواقع التصميم العربية قبلت انها تسوي لنا تصميم ولكن من يعرفو انها لفرقة كورية بعدها ما نلاقي رد خلانا هالشي نستغرب مو كلهم فرق ومغنيين !! .

- صراحة ضاعت شهور على هالشي واحنا للان مافتحنا الموقع .. والإلف الاجنبي اللي عارفين فينا من بدايتنا مستغربين اننا مافتحنا الموقع للان .

بالنهاية قلنا مالنا الا المصممين الاجانب واغلب الاصدقاء ساعدونا بعناوين مصممين وتم الاتفاق مع مصممة ولكن هيا بأجازة وراح تبدا تصميم في بداية السنه الجديدة .. فقلنا مابقي الا القليل ومنها نكسب وقت لتجميع اكبر عدد من الإلف في المدونة . بنعتذر عن التاخير الخارج عن إردتنا .

4- مناقشة كلمة فشلتونا !! 

دايم نلاقي هالكلمة بأي مشروع مادري هل هالكلمة بدافع الانتقاد البناء ولا مجرد كلمة لازم نصادفها بأي موضوع وهل هي بدوافع اخرى ؟!!وعلى فكرة سوري على هالكلام في اغلب الاحيان احنا اللي ودنا نقول فشلتونا لاننا نسوي تعاونات ومشاريع ولكن مانلاقى تفاعل او مشاركات الا 3 او 4 والإلف العربي يتعدى 4 الالاف وهالكلام عن تجربة . والبعض يقول انتو المسؤولين لازم يكون عندكم ميزانية ولكن اكرر اغلب المشاريع تطلب اسماء المشاركين ايش شعوركم لما يلاقو 3 اسماء مشاركين من الإلف العربي ؟!!

للعلم احنا مازلنا في البداية واكيد بيكون في كل مشروع اخطاء نتعلم منها واحنا نقبل اي نتقاد بناء وتبادل الافكاروتعاونات مع اي فريق من اجل رفع المستوى اما اننا نشوف كلام بدون فعل وهذا حال كثير من الإلف بنعتبر لا وجود له . 

( مع العلم ان اغلب مشاريعنا ياخذ فيها راي بطريقة مباشرة او غير مباشرة من إلف لهم مكانتهم بالمشاريع الاجنبية ) . 

5- رجاءً من إلف او اي فان لسوجو مايتسرع بإفتتاح موقع او منتدى مجاني او غيرو !!

حصلت حادثة من فترة ماحبينا نتكلم عنها ولكن لازم احذر منها عشان احنا مو ناقصين نخسر سمعة واحنا نحاول بكل جهد نحسنها عند إلف العالم . 

( افتتاح منتدى عربي مجاني باسم واستايل موقع إلف اجنبي مشهور وبالصدفة اعرف هالشي من إلف سنغافوري في التويتر بعد ماقريت تعليق فيه انتقاد قوي على الرابط وبدافع الفضول دخلت وانصدمت من اللي شفتو كانو نسخ لصق من الموقع الاجنبي بعد مناقشات مع اكثر من إلف كوري وسنغافوري لقيت ان الرابط انتشرت عند بعض الإلف الاجنبي وبما اننا المسؤولين عن الإلف العربي رحت للمنتدى وكتبت لهم قبل مايوصل لاحد من ادارة الموقع الاجنبي الاصلي وقلت لهم ان هالموضوع بيكون في مسألة قانونية حتى وان كان مجاني لان فيه سرقة حقوق تصميم واسم للموقع الاجنبي هالموضوع عندنا بمو بهالشدة زيهم لانهم عندهم مقاضة حتى لو بسبب هالامور ولكن الحمدلله بعد ما اكتب لهم اليوم اللي بعدو بحث عن المنتدى لقيتو ملغي) الغاية من ذكر هالشي ااارجو من الإلف والفانز لا يتسرعو بفعل امور يجهلو عواقبها واحنا بجد مانبغى احد يقول عننا إلف يسرقو حقوق غيرهم وينسبها لنفسهم عشان لا يفكرو اننا نتعامل بهالطريقة باغلب مشاريعنا والامور اللي تخصنا .. 

6- تعبنا من هالموضوع اكثر شي
رجاءً يامتبعيننا الغاليين اسئلتكم ياليت نشوفها بالفورم ( اسك مي ) هو مايحتاج تسجيل عشان تسالو ماراح نحاوب على اسئلتكم لا في التويتر ولا الفيس بوك بسبب انشغالتنا مانقدر ندور عن اسئلتكم بكل مكان وقسم الاقترحات للاقترحات مو للأسئلة .. بخصوص الروابط اي مشروع اي تصويت رجاءً اما يرسل ع منشن التويتر او هوتميل الايميل مانبغى نشوف روابط في المواضيع لانه بيتم حذفها كلها .. 

7- بخصوص اكبر تجمع الإلف العربي بتوثيق كي بي اس
 رجاءً اللي ماتقدر تشارك تنشر بالمنتديات والمواقع الاسيوية وغيرها عن الموضوع نبغى نجمع اكبر عدد ممكن من الحضور .. الرابط (هنا)

احنا جاديين لابعد الحدود في مشاريعنا من دعم مادي ومعنوي فرجاءً ساعدونا لو بالنشرواللي مايعترف فينا كفريق رسمي عن العرب إلف ماكان فريقين من اقوى الفرق الاجنبية وغيرهم رسمونا واعتمدونا كممثلين عن عرب إلف .. 

* نقصد بفريقين : sj world & sj Market 

احنا ماندور شهره لمدونتنا ولا شهرة لاسمنا ولكن هدفنا واحد يكون لنا دور و صوت ينسمع زي صوت اي إلف اجنبي ..

ادارة الفريق 

suju wings