بدء استقبال طلبات الالبوم الخامس النسخه A و النسخه المجمعه C - عن طريق -Suju wings- تم ايقاف الدفعة الاولى

تم إيقاف الطلبات 

بسم الله الرحمن الرحيم

من يومين طلبت مني ليزا( ليدر فريق مشروع منت ) اني اكون المسؤوله عن الالف العربي فيما يخص الالف العربي في القروب من استفسارات و تذكير ومن هالامور(الاعضاء المشتركين في قروب منت عشان الاستماع)^^

وبعد معرفتها اني ادمن في الفريق سوجو وينقز الرسمي اعتمدتنا ان احنا نكون موزعين الالبوم الخامس في الدول العربيه

واليوم ردينا لهم بموافقة الفريق وبكذا راح نكون الموزعين المعتمدين من قروب منت

اليوم نزلنا الموضوع وراح نبدا نستقبل طلباتكم باذن الله ابتداءً من بكرا وراح نستقبل طلباتكم على شكل دفعات

كنا مقررين اننا نطلب اول ونشوف المده لكن لان المده جدددددا قصيره على القولدن ديسك بقى اقل من شهرين فما يمدي ابدا خصوصا بعد الحديث مع ليزا وانها فضلت تكون طلبات الالبوم بالجمله لان هالشي راح يساعدنا كثير في انخفاض قيمة التوصيل

وهذا فيديو يوضح محتويات الالبوم

ملاحظه:هي طالبه اكثر من شغله لكن انتم تبون تعرفون محتويات الالبوم وهو اول شي انعرض البوستر+الـCD وصور الاعضاء اللي تكون موجوده^^)

هذي هي الكوفر (الكوفر=غلاف الالبوم)

سعر النسخه A مع البوستر =100 ريال
سعر النسخه A بدون بوستر = 70
(البوستر يبيله شحن لحاله عشان كذا فرق السعر ^^)

والنسخه المجمعه C ما يعادل الـ60 ريال(طبعا ما معها بوستر

وهذي محتويات النسخه C

القيمه اللي فوق مع التوصيل وكل شي

والاسعار هذي حقت الجمله مع الشحن وكل شيء ^^ الحين صرتوا على بينه
الاسعار نفسها ما تتغير بسعر الجمله لان جربت مع ليزا قبل لو طلبنا 10 حبات كم بيصير والحين مع عدد الطلبات 23 صار نفس السعر ما تغير لان مع الزياده في حجم الطلب يزيد من قيمة الشحن ^^

احنا حبينا نوضح لكم الموضوع عشان تكونون على بينه بكل شي

والحين بعد ما صرتوا على بينه بالمبلغ وبكل شي اللي ارسلوا لي طلب وتم اعتماده يردون علي بتاكيد الطلب وانهم مستعدين يطلبون مع هالقيمه وراح ارسلهم بيانات الحساب ^^

الالبومات اللي راح نطلبها فقط نسختين اللي راح تندرج في مخطط القولدن

ليزا راح تطلب الالبومات من هذا الموقع

synnara

هنا رابط ذكر kpoptown انها تشتري الالبومات من نفس الموقع الي يعتبر اكبر موزع للالبومات ويدخل تحت مخطط هانتو ^^

هنا

طبعا طريقة دفع المبالغ راح تكون عن طريق حساب تحولون عليه وبعد ما نجمع المبلغ راح احولها عن طريق الباي بال لان الاغلب ماعنده حساب فيه ودائما ما يكون هو العقده ^^

والطلب حاليا عشان القولدن فقط دففففففففعه واحد اكرر دفعه وحححده لان القولدن راح تقفل حساب مبيعات 29 من شهر اكتوبر واحنا الحين بـ16 مافيه وقفت فمددنا المده الين 19 من شهر اكتوبر لان ليزا بتقفل الطلبات بـ20

وحاليا راح يكونون ثلاث موزعات

الرياض..رااح اكون الموزعه Beshoo

جده وراح تكون موزعتكم Toti

الامارات راح تكون موزعتكم Alaa

طبعا باقي الدول يطلبون ولما تكون كمية الطلبات كثيره راح نحدد لهم موزعه خاصه فيهم ^^احنا حددنا هالاماكن لكثرة اللي يبون الالبومات منهم ^^

واحب اذكر بس بنطلب فققققققققط سوبر جونيور فقققققققققط اما البومات الفرق الثانيه مالنا اي شغل فيها^^

طبعا حبيت اكتب لكم ملاحظه ان الالبوم الخامس راح يكون بدون بوستر (البوستر الكبير ^^) وغلاف كيوهون مخلص من عندها اما بقية الاعضاء موجوده

واذا فيه اي غلاف توفر او انتهى راح نحدث بالموضوع ^^

راح نحط الايميل بكرا باذن الله عشان نبدا نستقبل ^^

Beshoo20_ELF at Titter

Beshoo Al-Olayan At FB

,,,,,,,,,,,,,,,,,,,
زي ماوعدناكم اليوم راح نحط الايميل عشان نستقبل الطلبات فقط راح نستقبل الطلبات وراح نستمر باستقبال الطلبات حتى يوم الاثنين عشان بعدها نعطيكم القيمه وتبدون تحولون المبالغ


لكل شخص يرغب في طلب الالبوم النسخه A-C من البوم سوبر جونيور الخامس ارسال رساله على الايميل متبوعه بالبيانات التاليه


SujuWings5jipord@hotmail.com

الاسم:

منطقتك:

حساب تويتر ان وجد :

عدد الالبومات واي نسخه:

الكوفر المطلوب اذا كانت الطلبيه من النسخه A (يرجى التحديد اذا فيه بوستر او لا القيمه راح تزيد بالبوستر^^):

الحساب المحول منه(اسم الحساب مو اسمك انتي ^^):

رقم الحساب:

عنوان المنزل:

رقم الجوال :

"مثال:
الاسم: بشرى العتيبي
منطقتك: الرياض<<مهم جدا عشان لما اسوي فرز للطلبات اعرف اذا لهم موزعه او لا ^^
حساب تويتر ان وجد : Beshoo20_ELF
عدد الالبومات واي نسخه: 2 نسخه C +ثلاث نسخه A
الكوفر المطلوب اذا كانت الطلبيه من النسخه A : 2 كوفر لانهيوك+1 كوفر لليتوك
الحساب المحول منه(اسم الحساب مو اسمك انتي ^^): Bushra Alotaibi<<طبعا هذا اسم حسابي لكن اذا انتي بتحولين من حساب اختك او امك او اخوك او ابوك ترسلين اسمه بالحساب
رقم الحساب: 1321345677854
عنوان المنزل: المملكه العربيه السعوديه- الرياض- الرمز البريدي :12345 -الرمز الاضافي :1234 "
..

(راح نرد عليك بقبول الطلب واذا فيه شي يبيله تعديل راح نرسل لك ^^)

(العنوان يكون مثل كذا المملكه العربيه السعوديه - الرياض رقم المبنى :1111 الرمز البريدي :12345 الرمز الاضافي :1234)
صراحتن لما طلبت المعلومات المهمه هي الدوله والمدينه والرمز البريدي والرمز الاضافي ورقم الوحده (رقم الوحده ما اظفته لكن عرفوه من الرمز البريدي والرمز الاضافي^^)
تنبيه: الرمز الاضافي مكون من اربعة ارقام وهو يحدد منزلكم عبر تخطيط منطقتك فهو مهم جدا ويكون تابع للرمز البريدي وارجو انكم تتاكدون من عنواينكم الله يرضا لي عليكم مهم تتاكدون لان راح نرسل على البريد اللي بترسلون لنا ومانبي تكون فيه اية اخطاء


واتوقع نفس الشيء مع بقية الدول ^^
حاليا بالرياض راح نستقبل فقط الطلبات عبر التحويل على الحساب الموجود ببنك الجزيره + الراجحي
الحساب المتوفر بنك الجزيره والراجحي الكل يقدر يحول دام موجود رقم الايبان والحساب اما اذا كانت بطاقتك طالب خاصية التحويل مو متوفره حتى من نفس الحساب بالبنك ^^
اما عن اهل جده تقدرون تكلمون موزعتكم توتي اذا كنتي تبغين كاش ^^
هذا حسابها بالتويتر ^^

Toto_Ji_So


وطبعا ياليت لما تدفعين كاش ترسلين لي المعلومات كامله بس تكتبين عند رقم الحساب :كاش وتعبين بياناتك صحيحه لان راح نطابقها مع توتي ^^توتي راح تاخذ اسمك وكم دفعتي وكم البوم تبين عشان تاكد لي الدفع الكاش ^^




ولكثرة الاسئله راح اجاوب عن بعضها
كللللل الدول تقدر تطلب مو بس اللي حددتها الكل بالكويت وبقطر وبكل دولة عربيه يقدرون يطلبون اللي فوق فقط اغلب الالف موجودين فيها فحددت لهم موزعات عشان يطيح منها قيمة التوصيل عن كل شخص ^^


التوصيل في المناطق اللي فوق يد بيد زي ماوضحت سابقا وكل موزعه راح ترسل لبنات منطقتها كيف راح توصله لها اما يتجمعون بمكان او توصلها بالبيت عاد كل موزعه وطريقته في التوزيع


ليزا محدده نسختين A-C عشان الوقت ضيق على القولدن والبوستر مو متوفر عندها واتوقع لان الموقع نفسه متخصص سيديات فققققط مايبيع الاشياء التابعه له

الطلبات راح توصل لعندي من ليزا وابدا اوزعها اول شي على الموزعات بعدها على اللي طلبوا

ارجو من الكل ان اللي بيطلب يكون واثق ومتاكد 100% انه راح يدفع والطلبات باذن الله راح تكون اسبوعيه مع وصول او دفعه بسلام باذن الله وتوزيعها مو تحطون طلب ولما نحسب طلبك تقولون ما عندنا الحين بس احجزي لي اسفه جدا انا ما اقدر امسك طلب لاننا نتعامل كموزعات مو نشتريها ونبدا نبيع على الكل

وزي ماقلت في امكانية كذا اسبوع تطلبين وباذن الله نوفر كاش فبليز لا تحرجوني وتحرجون انفسكم وتحرجون الموزعات معكم


واي أسئله ثانيه باذن الله راح اجاوب عليها ^^

بنات الرياض حاليا انصح بالايداع دام مافيه مكان محدد وانتم ما تبون باوقات دوام (وانا نفسي ما اقدر لان اطلع من الكليه احيانا متاخر وظروف دوام خواتي ما يسمع باني اطلع لان دوامهم مسائي)واخر يوم تستقبل فيه ليزا الطلبات هو الاربعاء فالايداع افضل فكره وما تحتاجين لحساب في البنك كل ماهناك تروحين لفرع بنك الجزيره او الراجحي (دامه متوفر اكثر من الجزيره) تروحين عند خدمة العملاء تطلبين ايداع المبلغ على الحساب اللي راح ارسله لك وخلاص

تحديث لبنات الامارات بخصوص طلباتكم ^^

طيب بنات ابو ظبي يقدرون بتقابلون مع الاء ويدفعون لها المبلغ كاش للي يبي كاش والتسليم في هالمنطقه يد بيد اما بقية محافظات الامارات راح تنرسل الالبومات على الاء وهي ترسلها لكم عن طريق بريد الامارات فارجوء منكم ترسلون عناوينكم والدفع يكون ترسلون عن طريق الحساب لحسابي ^^
وهذا حسابها بالتويتر
hurt_silent

Beshoo20_ELF

,,,,

التحديثات بخصوص الكوفر والبوستر راح تندرج تحت هنا^^

تم توفير البوستر فالرجاء عند الطلب التحديد اذا تبون بوستر او لا ^^

كيوهون غير متوفر^^

ريوك تم توفيره ^^

,,,,,,,,,

الاستفسارات المكرره ماراح ارد عليها من اليوم نفس السوال يتكرر كذا مره والمشكله انها موضحه فوق فما ادري وين الخلل فيه -_-