......حـــالELF العربــــــي ......

انيوهااسيوو

اخباركم مع الدراسه والعااطلين مثلي ايش مسوين 

انا كان نفسي اكتب هذا الكلام من زمان بس مكان عندي وقت بس اليوم قلت لازم اكتبو لاني لو طولت انتو بتنامو أكثر



انا حبيت اتكلم عن حالنا احنا ELF(العربي)انتو قولولي ايش رايكم بالله ؟؟ ...عاجبكم وضعنا وعاجبتكم المخده ماتبغو تقومو من عليهاا
فين الإلف الجبار اللي كان الكل يتكلم عنو؟؟ فينهم اللي لازم يثبتو وجوود السوجوو في كل مكان فين راحو؟؟ (طبعا نامو)

من كوم باكـ A-CHA (ومن راح هيتشول وانشغل سيون في الدراما)ولا فوز فازوه السوجو لليوم هذا ....الاسبوع اللي راح كان بس كوم باك ستيج بس دا الاسبوع دخلنا التصويت وخسرنا في M!Countdown وبرضو في Music bank

وبكرة بيكون Inkigayo وما ادري إذا بيفوزو او بيخسرو >>>اخاف الخسارة برضو تكون من نصيبهم 

وحطو في بالكم كمان كوم باك السنسد الاسبوع الاجاي ...وانتو عارفين يعني ايش كوم باك السنسد بس بنزول التيزر الكل قاام ما عبالكم الاغنيه وMV (احترم فانز السنسد ولا قصدي شي بالكلام بس مثل ما انتو عارفين كل فانز ويدور الخير لفريقو واتمنى ما يزعلو السوان من كلامي ^^)

تعرفو انتو ايش عيبكم الكسل وتعتمدو على غيركم وتبغون كل شي يجيكم جاهز....يعني تتفكرو ان ELF الاجنبي شغاالين سريش وتحميل ويسمعو للاغاني وغيرو ,وحاطين في بالكم ان السوجو اووك فأمان يقدرو يفوزو عشان كده الكل كسوول (وفيه بعضكم قايم بكل شي وزياده وودو لو يسوي اكثر كمان)
حبايب قلبي انتو يد وحده  ماتصفق لازم كلناا نكون مع بعض مجرد ما الإلف الاجنبي ينام(اقصد يبعدو عن الاجهزه والمواقع يرتاحو)ينزل كل شغلهم لازم احنا كمان نكون موجودين يعني يد وحده

تعرفو حاجه ثانيه تتكلمو كثير تبغونا نسوي ونسوي وتعصبو اذا ما فازو السوجو وغيرو ...شوفو انتو  ترا مقصرين بحقهم (من الاخر كلام بدون فعل)...

تفتكرو ايام Mr.Simple وكيف الحمااس مقطعكم وتبغو تسوو كل شي للسوجو وفي دقايق تطلعوهم للتوب 1...احنا نبغا هذا الإلف اللي بجدد اشتغل هديك الايام وقد ايش كانو يفرحو السوجو واحنا نفرح لرحتهم

لازم نكافأهم لانهم بجد يتعبو عشان خاطرناا ويبغو يوصلو لفووق وينشرو الازرق الياقوتي في كل العالم وطبعا هذا الشي بيدنا بس احنا هاملينو دي الفترره 
يلا صبايا وان كان فيه شباب برضو يلا خلينا نصحى من اليوم ونبدأ نشتغل ونتعب والله بتنسو هالتعب لما تشفوو فرحة السوجو ....لاتضيعو القولد ديسك من يدنا خلونا نحاول نمسكو بيدناا مررة ثانيه 
لانو بجد ماندري اذا السوجو بيرجعو بعد  سنتين او لا ؟؟.....اليوم جلسنا نتكلم انا والاداريه توتو عن دا الموضوع لو السوجو ما بيرجعوو ..مجرد ماجلست افكر في  

الموضوع جلست ابكيمصيرنا مجهول

تخيلو معايا لو راح شي اسمو السوجو و الإلف كيف بيكون حالناا مجدر تخيل اتخيلو مع نفسكم لدقايق وشوفو كيف ..شعوور يألم صح....انتو عارفين انا جلست افكر لو ان إنخفضت مبيعات السوجو و لا فازو بالقولدن ديسك اتوقع إن sm تنهي شي اسمو سوبر جونيور وانا حاسه انها تستنا هذا الوقت من زمان.
ترا مو بعيده تنهي الفرقه بكل سهوله زي ماراحو هانكيونغ وكيبوم بيروحو السوجو وانتو كلكم عارفين قد ايش sm ظالمه مع فنانينها ...اقصد من هذا الكلام خلونا نكون رادعين sm لو شافت ان فانز السوجو بدأ يطفأ نورهم بيوقفهاا .

ما ابغا اطول عليكم في كلامي عشان ماتقولو دي جايه تتفلسف انا حبيت اصحيكم من الغفوه اللي انتو فيهاا لانها مررة مو بصالحناا ولا بوقتها

يلا من دحين أبدأو اعملو سريش والطريقة بتلقوها هنا وهنا

ياريت يكون كلامي نبهكم على حاجه غفلتو عنهاا دي الفترره ولا ضايقتكم بكلامي واتمنى ماتزعلوو منو لان بجد زعلانه على حاالنا الفانزات الثانين قامو يتحركو واحنا قمناا ننام

كوماوايو لانكم اعطيتوني من وقتكم وقريتو كلامي واتمنى يثبت كلامي في بالكم

وأي استفسار انا حاضرة 

"فايتنغ "