توضيح سوء فهم حادثة تهكير حساب Suju wings في التويتر

انيونغ هاسيو  ..~ 

بدخل بالموضوع على طول وبدون مقدمات .. 

الكل اليوم شاف الهكر اللي قام بتكهير حسابنا في التويتر .. 

اللي خلاني اكتب هالتدوينه بسبب تشكيك البعض انو موضوع التهكير مجرد لعبه من احد عضوات الفريق .. 

قبل مابدا بتوضيح الامور ساقول كلمة اشهد عليها يوم القيامة اذا كذبت بما ساقوله او قمت بمحورته لمعنى اخرى .. 

والله .. ثم والله .. ثم والله .. الذي لا الله الا هو ان الامر حصل بهذه الطريقة .. 

اللي متابع الاكاونت الصبح بدات انشر الاخبار في حوالي 7:30 الصبح .. وبما اني موظفه " ومقسمين يوم تدوين عليا واليوم اللي بعده لشوقه الادمن الثانيه وهكذا" رحت بعدها لدوامي .. 

فجاه جوالي يدق من اكثر من شخص رديت على وحده من الالف"سأتحفظ بنكها" وهي صديقتي قالت لي اكاونت سوجو وينقز اتهكر قلت لها دقيقه والله ماتعرفو كانت حالتي كيف من التوتر والخوف فتحت الحساب من جوالي وشفت تحديثات الهكر والتويتر مقلوب وبما اني بدوامي مو مسجله دخول مستمر في الحساب قفلت منها .. كلمت شوقه الادمن الثانيه بالمدونه وقلت لها الحساب تهكر ودخلت من لابها وطلبت منها تغير الباسورد والايميل لكن كل الاعدادات كانت محجوبه حاولت ادخل من دوامي من كمبيوتر مكتبي لكن ماقدرت ادخل وبما اني اعرف ان زهور احد عضوات الفريق انها هكر رحت لحسابها عن طريق حسابي الخاص وكلمتها وماكانت موجوده البنات اللي يعرفوها كانو يدقو على جوالها وفي الف و فانز كيبوب حاولو يساعدوني وقتها .. في استرجاع الحساب .. 

فقط تنويه .. 

اكاونت التويتر ماحد عنده الباسورد الا انا وشوقه فقط واحنا اللي ماسكين الحساب فقط اما المدونه لكل عضوه عضويتها فيها .. بتقولو قبل كانو العضوات يدخلو ويكون في استضافه بقولكم كان كل بعد عضوه او كل عضوتين تدخل نقوم بتغير الباسورد .. هذي سياستنا واسالو كل عضوات فريقنا .. 

المهم كلمتني هكر ع الدايركت وطلبت الايميل والباسورد .. بعدها دخلت زهور وكلمتني تبغى تفهم الموضوع وصار هالشي قدام العلن بالتويتر .. الكل شاف وضعي وضعها بنفس الوقت بعدها نفس الشي زهور طلبت الايميل والباسورد وكان في هكر ثالثه كانت تبغى الباسورد والايميل وقلت لها في اثنين الان يحاولو يسترجعو ننتظر لو ماقدرو يرجعو بنعطيها الايميل والباسورد .. 

زهور قدرت تدخل الحساب و تسترجعه مبدئياً وبعدها قالت لي حاولي تدخلي وقدرت ادخل ورجع حسابنا زي ماشفتو بعد ساعات .. 

هام : 

1- كثير تكلم عن مصداقية المدونة بعد هالحادثه وقالو اننا بنفقدها .. بس ماقول الا الله لا يضيع لكم تعب ولا يحطكم بمثل هالموقف .. لان بجد بكينا وخفنا كان احنا الليدرز ولا عضوات الفريق لان هذا تعب وسهر ليالي ضاع بلمح البصر 

2- زهور او احنا ايش بنستفيد من هالحركة وعلى بالكم لو عرفنا انها هي مسويه هالحركة كتسليه بنخليها مستمره كعضوه بالفريق ؟! 

3 - انا اعتذر قدام الكل لزهور لاني من صدمتي وحالتي وقتها ذكرت اسمها علني وجاتها اذيه وكلام جارح بسببي والبنتين الهكرز اللي كلمتهم عشان ماعرفهم ماجاهم شي ولا ذكرت عنهم شي .. 

بالنهايه .. ارجوكم لا تحكمو على الامور من منظور ضيق وفكرو اننا تعبنا 3 سنين عشان نبي هالفريق ومازلنا مستمرين رغم الضغوط النفسية والجسدية .. عشان السوجو وعشانكم .. ومانبغى نخسركم عشان حادثه انفهمت بطريقه ثانيه .. وماستوعبتوها .. 

بالنهايه .. اسفه على الاطالة وشكراً لكل الداعمين ولكل الالف وفانز الكي بوب جميعا ولكل من حاول يساعدنا .. واتمنى هالتدوينه وضحت سوء الفهم واللي محتاج ادلة يدخل اكاونتي ويشوف كل شي صار @Toto_Ji_So

by:@ toto_ji_so